| | ᠮᠣᠩᠭᠤᠯᠴᠤᠳ ᠤᠷᠲᠤ ᠬᠤᠭᠤᠴᠠᠭᠠᠨ ᠤ ᠦᠢᠯᠡᠳᠦᠯᠭᠡ ᠪᠠᠷ ᠳᠡᠮᠵᠢᠵᠣ ᠮᠣᠷᠢᠨ ᠳᠤ ᠲᠣᠬᠤᠬᠤ ᠡᠮᠡᠭᠡᠯ ᠡᠭᠦᠳᠴᠦ ᠂ ᠲᠡᠭᠦᠨ ᠢᠶᠠᠨ ᠬᠡᠷᠡᠭᠯᠡᠭᠡᠨ ᠳᠡᠭᠡᠨ ᠪᠦᠬᠦ | ᠲᠠᠯᠠ ᠪᠠᠷ ᠠᠰᠢᠭᠯᠠᠵᠤ ᠢᠷᠡᠭᠰᠡᠨ ᠲᠡᠦᠬᠡ ᠲᠠᠢ ᠃ ᠡᠮᠡᠭᠡᠯ ᠢ ᠡᠬᠢᠯᠡᠵᠤ ᠵᠣᠬᠢᠶᠠᠬᠤ ᠳᠠᠭᠠᠨ ᠬᠡᠯᠡᠯᠭᠡᠨ ᠦᠭᠡᠢ ᠳᠥᠭᠦᠮ ᠪᠦᠳᠦᠭᠦᠯᠢᠭ ᠪᠠᠶᠢᠭᠰᠠᠨ ᠨᠢ ᠭᠠᠷᠴᠠᠭᠠ | ᠦᠭᠡᠢ ᠂ ᠡᠳ᠋ᠯᠡᠵᠤ ᠵᠠᠷᠣᠬᠤ ᠶᠠᠪᠤᠴᠠ ᠳᠤ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠬᠡᠪ ᠶᠠᠩᠵᠤ ᠶᠢ ᠨᠢ ᠥᠭᠡᠷᠡᠴᠢᠯᠡᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠨᠢ ᠪᠦᠷᠢᠨᠰᠢᠭᠦᠯᠵᠤ ᠂ ᠴᠢᠨᠠᠷ ᠴᠢᠨᠰᠠᠭᠠ | ᠶᠢ ᠨᠢ ᠰᠠᠶᠢᠵᠢᠷᠠᠭᠤᠯᠵᠤ ᠂ ᠡᠳ᠋ᠯᠡᠵᠤ ᠬᠡᠷᠡᠭᠯᠡᠬᠦ ᠳᠤ ᠪᠦᠬᠡᠯᠢᠭ ᠬᠡᠷᠡᠭᠴᠡᠭᠡᠨ ᠤ ᠱᠠᠭᠠᠷᠳᠠᠯᠭᠠ ᠳᠤ ᠲᠣᠬᠢᠷᠠᠭᠰᠠᠨ ᠣᠳᠣ ᠦᠶᠡ ᠶᠢᠨ ᠡᠶᠢᠮᠦᠷᠬᠦᠦ ᠡᠮᠡᠭᠡᠯ ᠪᠤᠯᠭᠠᠭᠰᠠᠨ | ᠭᠡᠯᠲᠡᠢ ᠃ ᠮᠣᠩᠭᠤᠯᠴᠤᠳ ᠡᠳ᠋ ᠪᠤᠳᠠᠰ ᠤᠨ ᠡᠯᠪᠡᠭᠵᠢᠬᠦ ᠳᠤ ᠨᠡᠶᠢᠴᠡᠭᠦᠯᠦᠨ ᠮᠣᠷᠢᠨ ᠡᠳ᠋ᠯᠡᠯ ᠢᠶᠠᠨ ᠨᠡᠩ ᠭᠤᠶᠤ ᠭᠠᠩᠭᠠᠩ ᠪᠤᠯᠭᠠᠵᠤ ᠂ ᠳᠡᠯᠡᠬᠡᠢ ᠳ᠋ᠠᠬᠢᠨ ᠤ ᠥᠭᠡᠷᠡ | ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ ᠠᠷᠠᠳ ᠣᠯᠠᠨ ᠤ ᠪᠠᠭ᠋ᠠᠷᠬᠠᠯ ᠰᠤᠨᠢᠷᠬᠠᠯ ᠢ ᠲᠠᠲᠠᠵᠤ ᠂ ᠮᠣᠩᠭᠤᠯ ᠰᠤᠶᠤᠯ ᠤᠨ ᠲᠡᠦᠬᠡᠨ ᠬᠠᠭᠤᠳᠠᠰᠤᠨ ᠳᠤ ᠨᠢᠭᠡᠨ ᠪᠦᠷᠢᠯᠳᠦᠭᠦᠨ | ᠪᠤᠯᠭᠠᠨ ᠲᠡᠮᠲᠡᠭᠯᠡᠵᠡᠢ ᠃ ᠮᠣᠷᠢᠨ ᠳᠤ ᠡᠮᠡᠭᠡᠯ ᠲᠣᠬᠤᠵᠤ ᠤᠨᠤᠬᠤ ᠪᠤᠯᠤᠭᠰᠠᠨ ᠲᠡᠷᠡ ᠦᠶᠡ ᠠᠴᠠ ᠮᠣᠩᠭᠤᠯᠴᠤᠳ ᠥᠪᠡᠷ ᠤᠨ ᠰᠠᠨᠠᠭᠠᠨ ᠲᠠᠪᠠ ᠪᠠᠷ ᠢᠶᠠᠨ ᠡᠳᠦᠷ | ᠳᠤᠲᠤᠮ ᠤᠨ ᠠᠵᠢᠯ ᠶᠠᠪᠤᠳᠠᠯ ᠢᠶᠠᠨ ᠬᠢᠵᠤ ᠭᠦᠢᠴᠡᠳᠬᠡᠬᠦ ᠪᠠ ᠥᠪᠡᠷ ᠬᠤᠭᠤᠷᠤᠨᠳᠤ ᠪᠠᠨ ᠶᠠᠪᠤᠯᠴᠠᠨ ᠵᠣᠯᠭᠠᠬᠤ ᠠᠴᠠ ᠡᠬᠢᠯᠡᠨ ᠠᠯᠪᠠᠨ ᠤ ᠪᠠ ᠠᠮᠢᠨ ᠤ | ᠤᠴᠢᠷ ᠢᠶᠠᠷ ᠠᠯᠤᠰ ᠬᠤᠯᠠ ᠶᠢᠨ ᠠᠶᠠᠯᠠᠯ ᠬᠢᠬᠦ ᠪᠠᠷ ᠵᠤᠭᠰᠤᠬᠤ ᠦᠭᠡᠢ ᠳᠠᠶᠠᠩ ᠳᠡᠯᠡᠬᠡᠢ ᠶᠢᠨ ᠤᠯᠤᠰ ᠣᠷᠣᠨ ᠢᠶᠠᠷ ᠴᠦ ᠥᠪᠡᠷ ᠤᠨ ᠰᠠᠨᠠᠭᠠᠨ ᠲᠠᠪᠠ ᠪᠠᠷ ᠢᠶᠠᠨ | ᠠᠶᠠᠯᠠᠨ ᠶᠠᠪᠤᠬᠤ ᠠᠵᠠ ᠲᠣᠬᠢᠶᠠᠯ ᠢ ᠮᠣᠩᠭᠤᠯᠴᠤᠳ ᠲᠤ ᠡᠮᠡᠭᠡᠯᠲᠤ ᠮᠣᠷᠢ ᠣᠯᠭᠤᠭᠰᠠᠨ ᠠᠵᠠᠢ ᠃ ᠮᠣᠩᠭᠤᠯᠴᠤᠳ ᠨᠢᠭᠡᠨ ᠤᠳᠠᠭᠠᠨ ᠤ ᠠᠶᠠᠯᠠᠯ ᠢᠶᠠᠨ | ᠲᠡᠭᠦᠰᠬᠡᠭᠡᠳ ᠪᠡᠶᠡ ᠪᠠ ᠮᠣᠷᠢ ᠪᠠᠨ ᠠᠮᠠᠷᠠᠭᠤᠯᠬᠤ ᠦᠶᠡ ᠳᠤ ᠂ ᠮᠣᠷᠢᠨ ᠤ ᠡᠮᠡᠭᠡᠯ ᠢᠶᠠᠨ ᠠᠪᠤᠭᠠᠳ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠬᠠᠶᠠᠵᠤ ᠲᠠᠯᠪᠢᠳᠠᠭ ᠦᠭᠡᠢ ᠃ | ᠡᠮᠡᠭᠡᠯ ᠤᠨ ᠠᠷᠤ ︵ ᠪᠦᠭᠦᠷᠭᠡ ︶ ᠪᠠᠷ ᠭᠠᠵᠠᠷ ᠲᠦᠰᠢᠭᠦᠯᠦᠨ ᠂ ᠬᠤᠶᠢᠳᠤ ᠵᠦᠭ ᠲᠤ ᠰᠠᠭᠤᠳᠠᠯ ᠢ ᠨᠢ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠳᠠᠭ ᠃ ᠡᠮᠡᠭᠡᠯ ᠢᠶᠠᠨ ᠲᠣᠬᠤᠬᠤ | ᠦᠭᠡᠢ ᠦᠶᠡ ᠳᠤ ᠡᠮᠡᠭᠡᠯ ᠳᠡᠭᠡᠷᠡ ᠪᠠᠨ ᠰᠠᠨᠳᠠᠶᠢᠯᠠᠵᠤ ᠰᠠᠭᠤᠬᠤ ᠪᠤᠶᠤ ᠮᠤᠳᠤ ᠪᠠ ᠥᠭᠡᠷᠡ ᠶᠠᠭᠤᠮᠠᠨ ᠳᠡᠭᠡᠷᠡ ᠲᠤᠬᠤᠵᠤ ᠲᠠᠯᠪᠢᠭᠰᠠᠨ ᠦᠶᠡ ᠳᠤ ᠪᠠᠨ ᠴᠦ | ᠤᠨᠤᠵᠤ ᠵᠠᠶᠢᠳᠠᠯᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠃ ᠭᠡᠷ ᠠᠴᠠ ᠵᠠᠶᠢᠳᠠᠭᠤ ᠭᠠᠵᠠᠷ ᠮᠤᠷᠢ ᠪᠠᠨ ᠴᠢᠳᠦᠷᠯᠡᠵᠤ ᠲᠠᠯᠪᠢᠭᠠᠳ ᠭᠡᠷ ᠵᠦᠭ ᠢᠶᠠᠨ ᠢᠷᠡᠭᠦ ᠳᠡᠭᠡᠨ ᠡᠮᠡᠭᠡᠯ ᠢᠶᠠᠨ | ᠡᠭᠦᠷᠴᠦ ᠢᠷᠡᠳᠡᠭ ᠦᠭᠡᠢ ᠂ ᠡᠮᠦᠨᠡ ᠪᠠᠨ ᠲᠡᠪᠡᠷᠢᠵᠤ ᠠᠪᠴᠢᠷᠠᠳᠠᠭ ᠃ ᠭᠡᠷ ᠲᠤ ᠣᠷᠣᠭᠤᠯᠵᠣ ᠲᠠᠯᠪᠢᠬᠤ ᠳᠠᠭᠠᠨ ᠲᠤᠰᠬᠠᠢ ᠪᠡᠯᠡᠳᠭᠡᠭᠰᠡᠨ ᠮᠣᠳᠣ ᠪᠤᠶᠤ ᠵᠢᠭ᠌ᠳᠡᠨ | ᠳᠡᠭᠡᠷᠡ ᠲᠤᠬᠤᠵᠤ ᠬᠠᠨᠠ ᠲᠦᠰᠢᠭᠦᠯᠦᠨ ᠲᠠᠯᠪᠢᠬᠤ ᠶᠤᠮ ᠤᠤ ᠡᠰᠡᠭᠦᠯᠡ ᠭᠠᠵᠠᠷ ᠲᠠᠯᠪᠢᠪᠠᠯ ᠪᠦᠭᠦᠷᠭᠡ ᠶᠢ ᠨᠢ ᠬᠤᠶᠢᠰᠢ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠳᠠᠭ ᠶᠤᠮ ᠃ | ᠮᠣᠩᠭᠤᠯᠴᠤᠳ ᠮᠣᠷᠢᠨ ᠡᠮᠡᠭᠡᠯ ᠢ ᠨᠡᠶᠢᠲᠡᠮ ᠬᠡᠷᠡᠭᠯᠡᠳᠡᠭ ᠪᠤᠯᠪᠠᠴᠤ ᠭᠠᠵᠠᠷ ᠭᠠᠵᠠᠷ ᠤᠨ ᠵᠠᠩ ᠵᠠᠩᠰᠢᠯ ᠢᠶᠠᠷ ᠡᠮᠡᠭᠡᠯ ᠤᠨ ᠬᠡᠪ ᠶᠠᠩᠵᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠨᠢ ᠬᠠᠷᠠᠬᠠᠨ | ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ ᠃ ᠮᠣᠷᠢᠨ ᠤ ᠡᠮᠡᠭᠡᠯ ᠤᠨ ᠬᠥᠷᠦᠩᠭᠡ ᠮᠥᠩᠭᠦᠨ ᠤ ᠴᠢᠨᠡᠭᠡ ᠪᠠᠷ ᠭᠤᠶᠤᠯᠠᠵᠤ ᠭᠠᠩᠭᠠᠯᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ ᠃ ᠡᠮᠡᠭᠡᠯ ᠤᠨ ᠬᠢᠷᠠ ᠂ | ᠳᠠᠷᠤᠭᠤᠯᠭᠠ ᠶᠢ ᠡᠷᠲᠡ ᠡᠳᠦᠭᠡ ᠳᠤ ᠠᠳᠠᠯᠢ ᠦᠭᠡᠢ ᠵᠦᠢᠯ ᠤᠳ ᠢᠶᠠᠷ ᠵᠣᠬᠢᠶᠠᠭᠰᠠᠨ ᠪᠠᠶᠢᠳᠠᠭ ᠃ ᠨᠡᠯᠢᠶᠡᠳ ᠡᠳ᠋ ᠬᠥᠷᠦᠩᠭᠡ ᠲᠠᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠬᠦᠮᠦᠨ ᠤ | ᠲᠤᠬᠤᠭᠰᠠᠨ ᠡᠮᠡᠭᠡᠯ ᠨᠢ ᠮᠥᠩᠭᠦᠨ ᠬᠢᠷᠡ ᠂ ᠳᠠᠷᠤᠭᠤᠯᠭᠠ ᠂ ᠪᠠᠭᠠᠪᠤᠷ ᠂ ᠰᠥᠪᠡᠭᠴᠢ ᠵᠡᠷᠭᠡ ᠡᠳ᠋ᠯᠡᠯ ᠪᠦᠷᠢᠨ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠭᠠᠨᠵᠤᠭᠠ ᠪᠤᠯᠭᠠᠨ ᠤ | ᠦᠵᠦᠭᠦᠷ ᠲᠤᠨᠢ ᠮᠥᠩᠭᠦᠨ ᠪᠦᠭᠡᠵᠢ ᠲᠠᠢ ᠪᠠᠶᠢᠳᠠᠭ ᠃ ᠡᠩ ᠤᠨ ᠬᠦᠮᠦᠨ ᠤ ᠪᠠᠶᠢᠩᠭᠤ ᠲᠤᠬᠤᠳᠠᠭ ᠡᠮᠡᠭᠡᠯ ᠳᠤ ᠵᠡᠰ ᠂ ᠭᠠᠤᠯᠢ ᠪᠤᠶᠤ ᠶᠠᠰᠤᠨ ᠬᠢᠷᠠ ᠳᠠᠲᠤᠭᠤᠯᠭᠠ | ᠪᠠᠶᠢᠳᠠᠭ ᠃ ᠡᠮᠡᠭᠡᠯ ᠤᠨ ᠬᠢᠷᠡ ᠳᠠᠷᠤᠭᠤᠯᠭᠠ ᠶᠢ ᠮᠥᠩᠭᠦ ᠪᠠᠷ ᠬᠡ ᠤᠭᠠᠯᠵᠠ ᠭᠠᠷᠭᠠᠵᠤ ᠭᠤᠶᠤ ᠬᠢᠳᠡᠭ ᠠᠴᠠ ᠭᠠᠳᠠᠨᠠ ᠂ ᠴᠠᠭᠠᠨ ᠶᠠᠩᠴᠢᠶᠠᠨ ᠳᠤ ᠰᠡᠨᠵᠢ | ᠭᠠᠷᠭᠠᠭᠠᠳ ︵ ᠭᠠᠩᠨᠠᠭᠠᠳ ︶ ᠳᠠᠷᠤᠭᠤᠯᠭᠠ ᠬᠢᠬᠦ ᠂ ᠮᠥᠩᠬᠦ ᠪᠤᠶᠤ ᠵᠡᠰ ᠢᠶᠠᠷ ᠲᠤᠪᠤᠷᠤᠤ ᠬᠡᠯᠪᠡᠷᠢᠲᠡᠢ ᠳᠠᠷᠤᠭᠤᠯᠭᠠ ᠬᠢᠭᠰᠡᠨ ᠴᠦ ᠪᠠᠶᠢᠳᠠᠭ ᠃ ᠵᠢᠷᠠᠭᠠᠳ ᠣᠨ ᠤ | ᠦᠶᠡ ᠪᠠᠷ ᠵᠤᠵᠠᠭᠠᠨ ᠬᠤᠸᠠᠰᠢ ︵ ᠬᠤᠪᠢᠭᠴᠢᠷ ︶ ᠪᠠᠷ ᠬᠡ ᠤᠭᠠᠯᠵᠠ ᠭᠠᠷᠭᠠᠭᠰᠠᠨ ᠬᠢᠷᠠ ᠳᠤᠷᠤᠭᠤᠯᠭᠠ ᠲᠠᠢ ᠡᠮᠡᠭᠡᠯ ᠴᠦ ᠨᠢᠭᠡ ᠦᠶᠡ ᠨᠯᠢᠶᠡᠳ ᠬᠠᠷᠠᠭᠳᠠᠬᠤ | ᠪᠤᠯᠤᠭᠰᠠᠨ ᠶᠤᠮ ᠃ ᠡᠮᠡᠭᠡᠯ ᠤᠨ ᠬᠥᠯᠢᠮ ᠶᠢᠨ ᠭᠡᠳ ᠠᠳᠠᠯᠢ ᠦᠭᠡᠢ ᠬᠡᠳᠦ ᠬᠡᠳᠦᠨ ᠵᠦᠢᠯ ᠪᠤᠢ ᠃ ᠤᠭᠠᠯᠵᠠ ᠲᠠᠢ ᠨᠣᠭᠤᠭᠠᠨ ᠂ ᠬᠦᠷᠡᠩ ᠂ ᠰᠢᠷᠠ ᠂ ᠬᠤᠯᠤ | ᠥᠩᠭᠡ ᠶᠢᠨ ᠬᠦᠭᠡᠮᠡᠯ ᠰᠢᠷᠢᠨ ᠭᠦᠯᠢᠮ ᠪᠤᠶᠤ ᠪᠤᠯᠢᠭᠠᠷᠢ ᠪᠠᠷ ᠬᠢᠭᠰᠡᠨ ᠨᠠᠪᠴᠢᠨ ᠬᠡᠪ ᠤᠨ ᠬᠦᠯᠢᠮ ᠪᠠ ᠦᠬᠡᠷ ᠤᠨ ᠠᠷᠠᠰᠤ ᠶᠢ ᠢᠳᠡᠭᠡᠯᠡᠵᠤ ᠬᠢᠭᠰᠡᠨ ᠬᠦᠮᠦᠩ | ᠬᠦᠯᠢᠮ ᠵᠡᠷᠭᠡ ᠪᠠᠶᠢᠳᠠᠭ ᠶᠤᠮ ᠃ ᠡᠮᠡᠭᠡᠯ ᠤᠨ ᠤᠨᠵᠢᠭᠤᠷᠠᠭᠠ ᠪᠤᠯ ᠬᠦᠯᠢᠮ ᠤᠨ ᠢᠶᠠᠨ ᠥᠩᠭᠡ ᠂ ᠬᠡ ᠲᠠᠢ ᠠᠳᠠᠯᠢᠬᠠᠨ ᠪᠠᠶᠢᠳᠠᠭ ᠃ ᠡᠮᠡᠭᠡᠯ ᠤᠨ ᠳᠥᠷᠦᠭᠡ ᠨᠢ | ᠭᠠᠩ ᠲᠠᠢ ᠲᠡᠮᠦᠷ ᠢᠶᠠᠷ ᠪᠤᠶᠤ ᠭᠠᠤᠯᠢ ᠪᠠᠷ ᠳᠡᠪᠲᠡᠵᠤ ᠬᠢᠭᠰᠡᠨ ᠲᠦᠭᠦᠷᠢᠭ ᠲᠠᠪᠠᠭ ᠲᠠᠢ ᠪᠤᠶᠤ ᠬᠠᠪᠢᠷᠭᠠᠨ ᠲᠠᠪᠠᠭ ᠲᠠᠢ ᠳᠥᠷᠦᠭᠡ ᠪᠠᠶᠢᠳᠠᠭ ᠠᠴᠠ ᠭᠠᠳᠠᠨᠠ ᠣᠨᠴᠠ | ᠳᠡᠭᠡᠳᠦ ᠨᠣᠶᠠᠳ ᠬᠡᠷᠭᠡᠮᠳᠡᠨ ᠳᠤ ᠵᠣᠷᠢᠭᠤᠯᠵᠤ ᠬᠢᠭᠰᠡᠨ ᠮᠥᠩᠭᠦᠨ ᠳᠥᠷᠥᠭᠡ ᠪᠠᠶᠢᠳᠠᠭ ᠭᠡᠵᠤ ᠠᠬᠠᠮᠠᠳ ᠬᠦᠮᠦᠰ ᠶᠠᠷᠢᠳᠠᠭ ᠪᠠᠶᠢᠭᠰᠠᠨ ᠃ ᠡᠮᠡᠭᠡᠯ ᠳᠤ ᠭᠠᠨᠵᠤᠭᠠ | ᠪᠤᠯ ᠳᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠳᠠᠭ ᠃ ᠡᠭᠦᠨ ᠳᠤ ᠵᠠᠰᠠᠯ ᠤᠨ ᠡᠮᠡᠭᠡᠯ ᠪᠤᠶᠤ ᠠᠵᠢᠯ ᠤᠨ ᠬᠦᠮᠦᠨ ᠤ ᠡᠮᠡᠭᠡᠯ ᠭᠡᠵᠤ ᠠᠳᠠᠯᠢ ᠦᠭᠡᠢ | ᠪᠠᠶᠢᠳᠠᠭ ᠲᠤᠯᠠ ᠭᠠᠨᠵᠤᠭᠠ ᠶᠢ ᠬᠦᠮᠦᠨ ᠪᠤᠯᠭᠠᠨ ᠥᠪᠡᠷ ᠤᠨ ᠳᠤᠷᠠ ᠪᠠ ᠰᠤᠷ ᠤᠨ ᠢᠶᠠᠨ ᠪᠠᠶᠢᠭᠠ ᠬᠡᠮᠵᠢᠶᠡ ᠪᠠᠷ ᠨᠢᠭᠡ ᠡᠮᠡᠭᠡᠯ ᠳᠤ 8 — 16 — 24 | — 32 ᠢᠶᠠᠷ ᠠᠳᠠᠯᠢ ᠲᠤᠭᠠᠨ ᠤ ᠭᠠᠨᠵᠤᠭᠠ ᠳᠠᠲᠠᠳᠠᠭ ᠶᠤᠮ ᠃ ᠡᠮᠡᠭᠡᠯ ᠤᠨ ᠬᠤᠶᠠᠷ ᠵᠢᠷᠢᠮ ᠢ ᠲᠤᠰ ᠪᠦᠷᠢ ᠨᠢᠭᠡ ᠲᠤᠷᠰᠢ ᠰᠤᠷ ᠢ ᠨᠠᠷᠢᠬᠠᠨ ᠳᠢᠷᠪᠡ ᠵᠦᠰᠦᠵᠤ | ᠭᠦᠷᠢᠵᠤ ᠵᠤᠬᠢᠶᠠᠳᠠᠭ ᠃ ᠣᠯᠣᠩ ᠢ ᠨᠢ ᠠᠳᠤᠭᠤᠨ ᠤ ᠳᠡᠯ ᠢᠶᠠᠷ ᠬᠤᠶᠠᠷ ᠭᠤᠷᠪᠠ ᠪᠠᠷ ᠳᠠᠪᠬᠤᠷᠯᠠᠨ ᠳᠠᠮᠤᠵᠤ ᠬᠢᠬᠦ ᠪᠤᠶᠤ ᠳᠥᠷᠪᠡᠨ ᠬᠡᠰᠡᠭ ᠨᠠᠷᠢᠬᠠᠨ ᠲᠠᠮᠤᠵᠤ | ᠬᠠᠪᠲᠠᠭᠠᠢ ᠪᠤᠯᠭᠠᠨ ᠤᠶᠤᠵᠤ ᠬᠢᠳᠡᠭ ᠃ ᠨᠢᠭᠡ ᠮᠧᠳ᠋ᠷ ᠬᠢᠷᠢᠲᠡᠢ ᠪᠦᠰ ᠢ ᠳᠥᠷᠪᠡ ᠪᠤᠶᠤ ᠵᠢᠷᠭᠤᠭᠠ ᠪᠠᠷ ᠭᠦᠷᠦᠵᠤ ᠬᠢᠳᠡᠭ ᠴᠦ ᠪᠠᠰᠠ ᠪᠤᠢ ᠃ ᠡᠮᠡᠭᠡᠯ ᠤᠨ | ᠲᠤᠬᠤᠮ ᠢ ᠵᠤᠵᠠᠭᠠᠪᠲᠤᠷ ᠢᠰᠡᠭᠡᠢ ᠶᠢ ᠬᠤᠷᠠᠭᠠᠨ ᠢᠰᠡᠭᠡᠢ ᠪᠠᠷ ᠳᠠᠪᠬᠤᠷᠯᠠᠵᠤ ᠤᠶᠤᠭᠠᠳ ᠵᠠᠬᠠ ᠶᠢ ᠨᠢ ᠥᠩᠭᠡ ᠥᠩᠭᠡ ᠶᠢᠨ ᠪᠦᠰ ᠢᠶᠠᠷ ᠠᠯᠠᠭᠯᠠᠭᠤᠯᠤᠨ | ᠡᠮᠵᠢᠶᠡᠷᠢᠯᠡᠵᠤ ᠬᠢᠳᠡᠭ ᠪᠦᠭᠡᠳ ᠲᠤᠬᠤᠮ ᠳᠤ ᠪᠠᠰᠠ ᠨᠢᠮᠭᠡᠨ ᠢᠰᠡᠭᠡᠢ ᠪᠠᠷ ᠥᠩᠭᠡᠪᠴᠢ ᠬᠢᠳᠡᠭ ᠶᠤᠮ ᠃ ᠡᠮᠡᠭᠡᠯ ᠤᠨ ᠳᠥᠷᠥᠭᠡᠨ ᠰᠤᠷ ᠪᠤᠯ ᠶᠡᠬᠡᠬᠡᠨ ᠬᠦᠴᠦ | ᠬᠡᠷᠡᠭᠯᠡᠬᠦ ᠲᠤᠯᠠ ᠲᠤᠰᠬᠠᠶᠢᠯᠠᠨ ᠦᠭᠡᠷ ᠤᠨ ᠰᠢᠷᠢ ᠪᠠᠷ ᠳᠠᠪᠬᠤᠷᠯᠠᠵᠤ ᠬᠢᠳᠡᠭ ᠃ ᠶᠠᠪᠤᠳᠠᠯ ᠳᠤᠮᠳᠠ ᠳᠥᠷᠦᠭᠡᠨ ᠰᠤᠷ ᠳᠠᠰᠤᠷᠠᠪᠠᠯ ᠡ᠊ᠨᠳᠡᠯ ᠭᠠᠷᠬᠤ ᠠᠶᠤᠯᠲᠠᠢ ᠲᠤᠯᠠ | ᠪᠦᠬᠡᠯᠢᠭ ᠪᠠᠶᠢᠬᠤ ᠶᠢ ᠠᠩᠬᠠᠷᠳᠠᠭ ᠃ ᠡᠮᠡᠭᠡᠯ ᠳᠤ ᠣᠯᠣᠩ ᠂ ᠵᠢᠷᠢᠮ ᠢᠶᠠᠨ ᠤᠶᠠᠳᠠᠭ ᠳᠥᠷᠪᠡᠨ ᠤᠭᠴᠤᠷᠭᠠ ᠭᠡᠵᠤ ᠪᠠᠶᠢᠳᠠᠭ ᠃ ᠳᠡᠭᠡᠷᠡ ᠬᠡᠯᠡᠭᠰᠡᠨ ᠪᠦᠬᠦᠨ | ᠪᠦᠷᠢᠳᠬᠦ ᠦᠭᠡᠢ ᠪᠤᠯ ᠪᠦᠷᠢᠨ ᠪᠦᠲᠦᠨ ᠡᠮᠡᠭᠡᠯ ᠪᠤᠯᠵᠤ ᠳᠡᠶᠢᠯᠬᠦ ᠦᠭᠡᠢ ᠂ ᠡᠮᠡᠭᠡᠯ ᠤᠨ ᠮᠣᠳᠣ ᠶᠢ ᠪᠤᠯ ᠤᠯᠠᠭᠠᠨ ᠶᠠᠭᠠᠨ ᠬᠦᠷᠡᠩ ᠥᠩᠭᠡ ᠶᠢᠨ ᠪᠤᠳᠤᠭ ᠢᠶᠠᠷ | ᠪᠤᠳᠤᠵᠤ ᠂ ᠪᠦᠭᠦᠷᠭᠡᠨ ᠤ ᠬᠤᠩᠭᠤ ᠶᠢ ᠨᠤᠭᠤᠭᠠᠨ ᠪᠤᠳᠤᠭ ᠢᠶᠠᠷ ᠪᠤᠳᠤᠳᠠᠭ ᠶᠤᠮ ᠃ ᠡᠮᠡᠭᠡᠯ ᠰᠠᠶᠢᠬᠠᠨ ᠪᠤᠯ ᠮᠤᠷᠢᠨ ᠤ ᠴᠢᠮᠡᠭ ᠪᠤᠯᠳᠠᠭ ᠶᠤᠮ ᠃ | | | | |