| | ᠶᠡᠷᠦ ᠳᠤ ᠪᠠᠨ ᠨᠠᠶᠢᠮᠠᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢ ᠮᠣᠷᠢ ᠶᠢ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠭᠤᠯᠳᠠᠭ᠃ ᠤᠴᠢᠷ ᠨᠢ ᠠᠭᠲᠠ ᠮᠣᠷᠢ ᠨᠠᠶᠢᠮᠠ ᠠᠴᠠ ᠠᠷᠪᠠᠨ | ᠵᠢᠷᠭᠤᠭᠠ ᠨᠠᠰᠤᠯᠠᠲᠠᠯᠠ ᠴᠢᠳᠠᠯ ᠲᠣᠷᠪᠢᠲᠠᠢ ᠪᠠᠶᠢᠳᠠᠭ ᠲᠤᠯᠠ ᠬᠤᠯᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠵᠣᠬᠢᠴᠡᠳᠠᠭ᠃ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠬᠠᠪᠴᠢᠭ ᠰᠣᠶᠤᠭᠠᠯᠠᠩ | ᠮᠣᠷᠢ ᠶᠢ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠭᠤᠯᠳᠠᠭ ᠦᠭᠡᠢ᠃ ᠤᠴᠢᠷ ᠨᠢ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠬᠠᠪᠴᠢᠭ ᠰᠣᠶᠤᠭᠠᠯᠠᠩ ᠰᠢᠳᠦ ᠨᠢ ᠤᠷᠭᠤᠵᠤ ᠭᠦᠢᠴᠡᠭᠡᠳᠦᠢ᠃ | ᠰᠢᠷᠪᠤᠰᠤ ᠰᠢᠨᠳᠠᠰᠤ ᠨᠢ ᠴᠢᠩᠭᠠᠷᠠᠭᠠᠳᠤᠢ᠂ ᠬᠦᠴᠦ ᠴᠢᠳᠠᠯ ᠪᠦᠷᠢᠳᠦᠭᠡᠳᠦᠢ ᠪᠠᠶᠢᠳᠠᠭ᠃ ᠬᠡᠷᠪᠡ ᠡᠨᠡ ᠦᠶᠡ ᠳᠤ ᠬᠤᠯᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠭᠤᠯᠪᠠᠯ | ᠰᠢᠷᠪᠤᠰᠤᠨ ᠤ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠨᠢ ᠮᠠᠭᠤᠲᠠᠵᠤ ᠶᠠᠰᠤᠨ ᠤ ᠪᠤᠶᠢᠵᠢᠯᠲᠠ ᠨᠢ ᠨᠦᠯᠦᠭᠡᠯᠡᠭᠳᠡᠭᠡᠳ ᠨᠢᠭᠡ ᠯᠠ ᠵᠢᠯ ᠤᠨ ᠭᠦᠶᠦᠯᠲᠡ ᠲᠠᠢ ᠪᠣᠯᠳᠠᠭ᠃ ᠶᠡᠷᠦ ᠠᠴᠠ | ᠤᠷᠤᠯᠳᠤᠭᠠᠨ ᠳᠤ ᠣᠷᠣᠭᠰᠠᠨ ᠦᠭᠡᠢ ᠮᠣᠷᠢ ᠶᠢ ᠠᠷᠪᠠ ᠨᠠᠰᠤᠯᠠᠭᠰᠠᠨ ᠤ ᠳᠠᠷᠠᠭᠠ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠭᠤᠯᠪᠠᠯ ᠬᠡᠳᠦᠢ ᠬᠤᠷᠳᠤᠨ ᠮᠣᠷᠢ ᠪᠠᠶᠢᠭᠰᠠᠨ ᠴᠦ | ᠬᠤᠯᠠ ᠭᠦᠶᠦᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠴᠢᠬᠠᠳᠠᠭ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯᠴᠦᠳ ᠤᠨ ᠶᠠᠷᠢᠶᠠᠨ ᠳᠤ ᠤᠷᠤᠯᠳᠤᠭᠠᠨ ᠤ ᠮᠣᠷᠢ ᠶᠢ ︽ᠰᠣᠶᠤᠭᠠᠯᠠᠩ ᠳᠡᠭᠡᠷᠡ ᠨᠢ | ᠰᠦᠢᠵᠦ᠂ ᠭᠦᠢᠴᠡᠬᠦ ᠪᠠᠷ ᠨᠢ ᠭᠦᠶᠦᠯᠭᠡᠨᠡ︾ ᠭᠡᠰᠡᠨ ᠦᠭᠡ ᠪᠠᠶᠢᠳᠠᠭ᠃ ᠵᠠᠷᠢᠮ ᠭᠠᠵᠠᠷ ︽ᠳᠣᠯᠤᠭᠠᠲᠠᠢ ᠳᠡᠭᠡᠷᠡ ᠨᠢ ᠭᠦᠶᠦᠯᠭᠡᠪᠡᠯ ᠳᠣᠷᠦ᠋ᠢᠲᠠᠨᠠ︾ ᠭᠡᠵᠦ | ᠬᠡᠯᠡᠳᠡᠭ᠃ | ᠮᠣᠩᠭᠤᠯ ᠣᠷᠤᠨ ᠳᠤ ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠢ ᠣᠯᠠᠩᠬᠢ ᠳᠤ ᠪᠠᠨ ᠵᠣᠨ ᠤ ᠳᠡᠯᠭᠡᠷ ᠰᠠᠶᠢᠬᠠᠨ ᠴᠠᠭ ᠲᠤ ᠬᠢᠳᠡᠭ ᠵᠠᠩᠰᠢᠯ ᠲᠠᠢ᠃ ᠲᠤᠬᠠᠶᠢᠯᠠᠪᠠᠯ | ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠳ ᠠᠴᠠ ᠡᠬᠢᠯᠡᠵᠦ ᠳᠣᠯᠤᠭᠠᠨ ᠰᠠᠷᠠ ᠬᠦᠷᠲᠡᠯᠡᠬᠢ ᠬᠤᠭᠤᠴᠠᠭᠠᠨ ᠳᠤ ᠨᠠᠶᠢᠷ ᠨᠠᠭᠠᠳᠤᠮ ᠳᠠᠬᠢᠯᠭᠠ ᠮᠦᠷᠭᠦᠯ | ᠬᠢᠵᠦ ᠮᠣᠷᠢ ᠤᠷᠤᠯᠳᠤᠭᠤᠯᠳᠠᠭ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠣᠯᠠᠨ ᠤᠳᠠᠭᠠ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠵᠤ ᠥᠩᠭᠡᠷᠡᠭᠰᠡᠨ ᠰᠤᠷᠮᠠᠭᠠᠢ ᠮᠣᠷᠢᠳ ᠪᠣᠶᠤ ᠠᠷᠠᠰᠤ | ᠨᠢᠮᠭᠡᠨ᠂ ᠶᠠᠰᠤ ᠨᠠᠷᠢᠨ᠂ ᠪᠡᠶᠡ ᠬᠦᠩᠭᠡᠨ ᠮᠣᠷᠢᠳ ᠢ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠭᠤᠯᠬᠤ ᠠᠴᠠ ᠡᠮᠦᠨᠡ ᠠᠷᠪᠠᠨ ᠲᠠᠪᠤ ᠠᠴᠠ ᠬᠤᠷᠢᠨ ᠨᠢᠭᠡᠨ ᠡᠳᠥᠷ ᠬᠠᠭᠰᠠᠭᠠᠵᠤ᠂ | ᠮᠢᠬᠠ ᠶᠡᠬᠡᠲᠡᠢ ᠠᠷᠠᠰᠤ ᠵᠤᠵᠠᠭᠠᠨ᠂ ᠬᠤᠷ ᠲᠠᠷᠭᠤ ᠲᠠᠢ᠂ ᠬᠥᠬᠡ ᠮᠢᠬᠠ ᠲᠠᠢ ᠰᠢᠨᠡ ᠪᠠᠷ ᠰᠣᠷᠢᠬᠤ ᠮᠣᠷᠢᠳ ᠢ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠬᠤ ᠠᠴᠠ ᠡᠮᠦᠨᠡ | 20 - 25 ᠡᠳᠥᠷ ᠤᠶᠠᠵᠤ ᠰᠦᠢᠯᠭᠠ ᠣᠷᠤᠭᠤᠯᠳᠠᠭ᠂ 25 ᠬᠤᠨᠤᠭ ᠬᠡᠲᠦᠷᠡᠪᠡᠯ ᠤᠶᠠᠭᠠ ᠬᠡᠲᠦᠷᠡᠨᠡ ᠭᠡᠵᠦ ᠬᠡᠯᠡᠳᠡᠭ᠃ ᠭᠡᠪᠡᠴᠦ ᠲᠠᠷᠭᠤᠨ ᠴᠠᠭ ᠤᠨ | ᠮᠣᠷᠢ ᠶᠢ ᠰᠦᠢᠬᠤ ᠴᠠᠭ ᠢ ᠬᠡᠲᠦᠷᠬᠡᠢ ᠣᠬᠤᠷ ᠪᠠᠶᠢᠯᠭᠠᠵᠤ ᠪᠣᠯᠬᠤ ᠦᠭᠡᠢ᠂ ᠰᠦᠢᠬᠤ ᠴᠠᠭ ᠨᠢ ᠳᠡᠩᠳᠡᠭᠦᠦ ᠣᠬᠤᠷ ᠪᠣᠯ ᠵᠥᠪᠬᠡᠨ ᠮᠣᠷᠢ ᠶᠢ ᠦᠯᠦᠰᠭᠡᠵᠦ | ᠭᠡᠳᠡᠰᠦ ᠶᠢ ᠨᠢ ᠬᠤᠭᠤᠰᠤᠯᠠᠬᠤ ᠠᠴᠠ ᠪᠢᠰᠢ ᠣᠯᠢᠭᠲᠠᠢ ᠰᠠᠶᠢᠨ ᠰᠦᠢᠯᠭᠠ ᠣᠷᠤᠭᠤᠯᠵᠤ ᠴᠢᠳᠠᠳᠠᠭ ᠦᠭᠡᠢ᠃ ᠪᠠᠭᠴᠠᠯᠠᠭᠠᠳ ᠬᠡᠯᠡᠪᠡᠯ ᠬᠦᠴᠦ ᠲᠠᠷᠭᠤ ᠰᠠᠶᠢᠲᠠᠢ | ᠮᠣᠷᠢ ᠶᠢ 20 ᠬᠤᠨᠤᠭ ᠠᠴᠠ ᠳᠡᠭᠡᠭᠰᠢ᠂ ᠡᠴᠡᠩᠬᠡᠢ ᠮᠣᠷᠢ ᠶᠢ ᠠᠷᠪᠠ ᠶᠢᠰᠦᠨ ᠬᠤᠨᠤᠭ ᠠᠴᠠ ᠬᠡᠲᠦᠷᠡᠭᠦᠯᠬᠦ ᠦᠭᠡᠢ ᠤᠶᠠᠵᠤ ᠤᠶᠠᠭᠠ ᠰᠦᠢᠯᠭᠠ ᠣᠷᠤᠭᠤᠯᠳᠠᠭ | ᠶᠤᠮ᠃ | |