| ᠵᠢᠷᠦᠬᠡ ᠪᠤᠯ ᠬᠦᠮᠦᠨ ᠤ ᠡᠷᠡᠬᠦᠯ ᠡᠩᠬᠡ ᠶᠠᠪᠤᠬᠤ ᠶᠢᠨ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠤᠨᠠ ᠃ ᠵᠦᠪᠬᠡᠨ ᠵᠢᠷᠦᠬᠡ ᠡᠷᠡᠬᠦᠯ ᠪᠠᠶᠢᠮᠠᠨᠵᠢᠨ ᠪᠦᠬᠦ ᠪᠡᠶᠡ ᠶᠢᠨ ᠡᠯᠡ ᠵᠦᠢᠯ ᠤᠨ | ᠹᠢᠽᠢᠥᠯᠤᠬᠢ ᠶᠢᠨ ᠠᠵᠢᠯᠯᠠᠭᠠ ᠰᠠᠶ᠋ᠢ ᠬᠡᠪ ᠤᠨ ᠪᠠᠶᠢᠳᠠᠯ ᠢᠶᠠᠷ ᠶᠠᠪᠤᠭᠳᠠᠵᠤ ᠴᠢᠳᠠᠨᠠ ᠃ | ᠵᠢᠷᠦᠬᠡᠨ ᠳᠤ ᠬᠤᠤᠷᠲᠦ ᠪᠤᠳᠠᠰ ᠬᠤᠷᠠᠭᠰᠠᠨ ᠢᠯᠡᠷᠡᠯ ᠄ | 1. ᠬᠡᠯᠡ ᠰᠢᠷᠬᠠᠯᠠᠬᠤ ᠃ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠳᠤ ᠬᠡᠯᠡ ᠪᠤᠯᠤᠨ ᠵᠢᠷᠦᠬᠡ ᠨᠢ ᠨᠢᠭᠳᠠ ᠬᠠᠷᠢᠴᠠᠭᠠ ᠲᠠᠢ ᠂ ᠡᠶᠢᠮᠦ ᠠᠴᠠ ᠬᠡᠯᠡ ᠰᠢᠷᠬᠠᠯᠠᠪᠠᠯ ᠶᠡᠷᠦ ᠳᠡᠭᠡᠨ | ᠵᠢᠷᠦᠬᠡᠨ ᠳᠤ ᠬᠠᠯᠠᠭᠤᠨ ᠰᠢᠷᠭᠤᠭᠰᠠᠨ ᠠᠴᠠ ᠪᠤᠯᠤᠭᠰᠠᠨ ᠭᠡᠵᠦ ᠦᠵᠡᠳᠡᠭ ᠃ | 2. ᠮᠠᠩᠨᠠᠢ ᠲᠡᠭᠡᠷᠡ ᠰᠡᠪᠬᠡ ᠭᠠᠷᠬᠤ ᠃ ᠮᠠᠩᠨᠠᠢ ᠨᠢ ᠵᠢᠷᠦᠬᠡᠨ ᠤ ᠰᠢᠭᠤᠳ ᠬᠠᠷᠢᠶᠠ ᠤᠷᠤᠨ ᠪᠤᠯᠤᠨᠠ ᠂ ᠵᠢᠷᠦᠬᠡᠨ ᠤ ᠬᠠᠯᠠᠭᠤᠨ ᠶᠡᠬᠡᠰᠭᠦ ᠪᠠᠷ ᠬᠠᠷᠢᠶᠠ ᠤᠷᠤᠨ ᠨᠢ | ᠴᠦ ᠬᠠᠯᠠᠭᠤᠨ ᠳᠤ ᠲᠠᠭᠠᠷᠢᠭᠳᠠᠵᠤ ᠂ ᠰᠡᠪᠬᠡ ᠶᠢᠨ ᠬᠡᠯᠪᠡᠷᠢ ᠪᠠᠷ ᠢᠯᠡᠷᠡᠳᠡᠭ ᠃ | 3. ᠨᠦᠢᠷ ᠬᠤᠯᠵᠢᠬᠤ ᠂ ᠭᠤᠤᠯ ᠲᠡᠯᠡᠰᠭᠦ ᠃ ᠵᠢᠷᠦᠬᠡ ᠪᠤᠯ ᠵᠤᠭᠰᠤᠭᠠ ᠦᠭᠡᠢ ᠠᠵᠢᠯᠯᠠᠵᠤ ᠪᠠᠶᠢᠳᠠᠭ ᠂ ᠵᠢᠷᠦᠬᠡᠨ ᠳᠤ ᠬᠠᠯᠠᠭᠤᠨ ᠰᠢᠷᠭᠤᠭᠠᠳ | ᠭᠠᠳᠠᠭᠰᠢᠯᠠᠭᠤᠯᠵᠤ ᠲᠡᠶᠢᠯᠬᠦ ᠦᠭᠡᠢ ᠦᠶᠡ ᠳᠤ ᠲᠠᠭᠠᠲᠠᠢ ᠤᠨᠳᠠᠬᠤ ᠪᠤᠯᠤᠮᠵᠢ ᠦᠭᠡᠢ ᠪᠤᠯᠳᠠᠭ ᠃ | 4. ᠴᠡᠭᠡᠵᠢ ᠪᠢᠲᠡᠭᠦᠷᠡᠬᠦ ᠪᠤᠶᠤ ᠬᠠᠳᠬᠤᠯᠠᠬᠤ ᠃ ᠵᠢᠷᠦᠬᠡᠨ ᠲᠤᠳᠤᠷᠠ ᠴᠢᠰᠤ ᠪᠦᠭᠡᠮᠨᠡᠷᠡᠬᠦ ᠪᠠᠶᠢᠳᠠᠯ ᠭᠠᠷᠬᠤ ᠪᠤᠯ ᠮᠦᠨ ᠬᠤᠤᠷᠲᠦ ᠪᠤᠳᠠᠰ ᠬᠤᠷᠠᠭᠰᠠᠨ ᠠᠴᠠ | ᠪᠤᠯᠳᠠᠭ ᠂ ᠡ᠊ᠨᠡ ᠦᠶᠡ ᠳᠤ ᠬᠦᠡᠭᠭᠡᠨ ᠰᠢᠭ ᠪᠤᠯ ᠴᠡᠭᠡᠵᠢ ᠪᠢᠲᠡᠭᠦᠷᠡᠵᠦ ᠂ ᠬᠦᠨᠳᠦ ᠰᠢᠭ ᠪᠤᠯ ᠬᠠᠳᠬᠤᠯᠠᠵᠤ ᠡᠪᠡᠳᠬᠦ ᠪᠠᠶᠢᠳᠠᠯ ᠭᠠᠷᠳᠠᠭ ᠃ | ᠲᠡᠭᠡᠪᠡᠯ ᠵᠢᠷᠦᠬᠡᠨ ᠳᠤ ᠬᠤᠷᠠᠭᠰᠠᠨ ︽ ᠬᠤᠭ ᠨᠤᠪᠰᠢ ︾ ᠶᠢ ᠶᠠᠭᠠᠬᠢᠵᠦ ᠴᠡᠪᠡᠷᠯᠡᠬᠦ ᠪᠤᠢ ︖ | 1. ᠭᠠᠰᠢᠭᠤᠨ ᠢ ᠢᠳᠡᠪᠡᠯ ᠬᠤᠤᠷ ᠢ ᠲᠠᠭᠤᠨᠠ ᠃ ᠯᠢᠩᠬᠤᠸᠠ ᠶᠢᠨ ᠦᠷᠠ ᠶᠢᠨ ᠴᠦᠮᠡ ᠶᠢ ᠭᠤᠤᠯ ᠪᠤᠯᠭᠠᠵᠦ ᠲᠠᠨᠢᠯᠴᠠᠭᠤᠯᠤᠶᠠ ᠄ ᠲᠡᠷᠡ ᠨᠢ ᠭᠠᠰᠢᠭᠤᠨ | ᠠᠮᠳᠠ ᠲᠠᠢ ᠂ ᠵᠢᠷᠦᠬᠡᠨ ᠤ ᠬᠠᠯᠠᠭᠤᠨ ᠢ ᠲᠠᠭᠤᠬᠤ ᠦᠢᠯᠡᠳᠦᠯ ᠲᠠᠢ ᠂ ᠬᠦᠢᠳᠡᠨ ᠴᠢᠨᠠᠷ ᠲᠠᠢ ᠪᠤᠯᠪᠠᠴᠦ ᠬᠦᠮᠦᠨ ᠤ ᠠᠷᠭᠠ ᠬᠡᠢ ᠶᠢ ᠬᠤᠬᠢᠷᠠᠭᠤᠯᠳᠠᠭ ᠦᠭᠡᠢ ᠪᠤᠯᠬᠤᠷ | ᠵᠢᠷᠦᠬᠡᠨ ᠤ ᠬᠠᠯᠠᠭᠤᠨ ᠪᠤᠶᠤ ᠬᠤᠤᠷ ᠢ ᠲᠠᠭᠤᠬᠤ ᠬᠠᠮᠤᠭ ᠤᠨ ᠰᠠᠶᠢᠨ ᠢᠳᠡᠭᠡᠨ ᠳᠤ ᠲᠤᠭᠠᠴᠠᠭᠳᠠᠳᠠᠭ ᠃ ᠯᠢᠩᠬᠤᠸᠠ ᠶᠢᠨ ᠦᠷᠡ ᠶᠢᠨ ᠴᠦᠮᠡ ᠪᠠᠷ ᠴᠠᠢ ᠴᠢᠯᠡᠵᠤ | ᠤᠤᠭᠤᠵᠤ ᠪᠤᠯᠤᠨᠠ ᠂ ᠪᠠᠭᠠ ᠰᠠᠭᠠ ᠬᠤᠯᠤᠰᠤᠨ ᠨᠠᠪᠴᠢ ᠪᠤᠶᠤ ᠲᠦᠭᠦᠬᠡᠢ ᠵᠡᠭᠡᠷᠭᠡᠨᠡ ᠪᠠᠷ ᠬᠠᠴᠢᠷᠯᠠᠪᠠᠯ ᠯᠢᠩᠬᠤᠸᠠ ᠶᠢᠨ ᠦᠷᠡ ᠶᠢᠨ ᠴᠦᠮᠡ ᠶᠢᠨ ᠬᠤᠤᠷ ᠢ | ᠲᠠᠭᠤᠬᠤ ᠦᠢᠯᠡᠳᠦᠯ ᠢ ᠨᠢ ᠨᠡᠮᠡᠭᠳᠡᠭᠦᠯᠤᠨᠠ ᠃ | 2. ᠵᠢᠷᠦᠬᠡᠨ ᠤ ᠬᠤᠤᠷ ᠢ ᠲᠠᠭᠤᠬᠤ ᠪᠠᠯᠴᠢᠷ ᠢ ᠨᠤᠬᠤᠯᠠᠨᠠ ᠃ ᠡᠨᠡ ᠨᠢ ᠭᠠᠷ ᠤᠨ ᠠᠯᠠᠭᠠᠨ ᠳᠤ 4 ᠪᠡ 5 ᠳ᠋ᠤᠭᠠᠷ ᠠᠯᠠᠭᠠᠨ ᠶᠠᠰᠤᠨ ᠤ ᠬᠤᠭᠤᠷᠤᠨᠳᠦ ᠂ | ᠨᠢᠳᠤᠷᠭᠠ ᠪᠠᠨ ᠵᠠᠩᠭᠢᠳᠬᠤ ᠦᠶᠡ ᠳᠤ ᠰᠢᠭᠡᠵᠢ ᠂ ᠢᠳᠡᠮ ᠬᠤᠷᠤᠭᠤᠨ ᠤ ᠦᠵᠦᠭᠦᠷ ᠤᠨ ᠬᠤᠭᠤᠷᠤᠨᠳᠦ ᠪᠠᠶᠢᠳᠠᠭ ᠃ ᠡ᠊ᠨᠡ ᠪᠠᠯᠴᠢᠷ ᠢ ᠪᠠᠷᠠᠭᠤᠨ ᠵᠡᠭᠦᠨ ᠭᠠᠷ ᠢᠶᠠᠨ | ᠡᠭᠡᠯᠵᠢᠯᠡᠨ ᠨᠡᠯᠢᠶᠡᠳ ᠬᠦᠴᠦᠲᠡᠢ ᠨᠤᠬᠤᠯᠠᠬᠤ ᠬᠡᠷᠡᠭᠳᠡᠢ ᠃ | 3. ᠨᠤᠭᠤᠭᠠᠨ ᠪᠤᠷᠴᠠᠭ ᠨᠢ ᠰᠢᠭᠡᠬᠦ ᠶᠢ ᠰᠠᠶᠢᠵᠢᠷᠠᠭᠤᠯᠵᠤ ᠬᠤᠤᠷ ᠢ ᠲᠠᠭᠤᠳᠠᠭ ᠃ ᠨᠤᠭᠤᠭᠠᠨ ᠪᠤᠷᠴᠠᠭ ᠨᠢ ᠰᠢᠭᠡᠬᠦ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠠᠷ ᠲᠠᠮᠵᠢᠨ | ᠵᠢᠷᠦᠬᠡᠨ ᠳᠤ ᠬᠤᠷᠠᠭᠰᠠᠨ ᠬᠤᠤᠷᠲᠦ ᠪᠤᠳᠠᠰ ᠢ ᠵᠠᠳᠠᠷᠠᠭᠤᠯᠤᠨ ᠭᠠᠳᠠᠭᠰᠢᠯᠠᠭᠤᠯᠳᠠᠭ ᠃ ᠨᠤᠭᠤᠭᠠᠨ ᠪᠤᠷᠴᠠᠭ ᠢ ᠵᠤᠳᠠᠩ ᠂ ᠱᠦᠯᠦ ᠮᠡᠲᠦ ᠰᠢᠩᠭᠡᠨ ᠪᠠᠶᠢᠳᠠᠯ ᠢᠶᠠᠷ | ᠢᠳᠡᠪᠡᠯ ᠰᠠᠶᠢᠨ ᠂ ᠬᠠᠷᠢᠨ ᠨᠤᠭᠤᠭᠠᠨ ᠪᠤᠷᠴᠠᠭ ᠤᠨ ᠪᠤᠭᠤᠷᠰᠤᠭ ᠤᠨ ᠦᠢᠯᠡᠳᠦᠯ ᠨᠢ ᠪᠠᠷᠤᠭᠳᠠᠢ ᠪᠠᠶᠢᠳᠠᠭ ᠃ | 4. ᠦᠳᠡ ᠶᠢᠨ 11~13 ᠴᠠᠭ ᠪᠤᠯ ᠵᠢᠷᠦᠬᠡ ᠬᠠᠮᠤᠭ ᠤᠨ ᠡᠷᠴᠢᠮ ᠲᠠᠢ ᠪᠠᠶᠢᠳᠠᠭ ᠬᠤᠭᠤᠴᠠᠭᠠ ᠪᠤᠯᠤᠨᠠ ᠂ ᠡᠶᠢᠮᠦ ᠠᠴᠠ ᠰᠠᠮᠤᠷ ᠂ ᠰᠢᠷᠠ ᠪᠤᠷᠴᠠᠭ ᠂ ᠬᠠᠷᠠ | ᠮᠠᠭᠠᠵᠢ ᠂ ᠬᠠᠷᠠ ᠴᠢᠪᠠᠭᠠ ᠂ ᠯᠢᠩᠬᠤᠸᠠ ᠶᠢᠨ ᠦᠷᠡ ᠮᠡᠲᠦ ᠶᠢᠨ ᠵᠢᠷᠦᠬᠡ ᠶᠢ ᠬᠠᠮᠠᠭᠠᠯᠠᠵᠤ ᠂ ᠬᠤᠤᠷ ᠢ ᠲᠠᠭᠤᠳᠠᠭ ᠢᠳᠡᠭᠡᠨ ᠢ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠢᠳᠡᠵᠦ | ᠪᠤᠯᠤᠨᠠ ᠃ | ︵ ᠡᠭᠡ ᠪᠢᠴᠢᠭ ᠢ ︽ ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠡ ︾ ᠠᠴᠠ ᠰᠢᠯᠵᠢᠬᠦᠯᠪᠡ ︶ | | | |