ᠣᠭᠤᠷᠠᠭ᠄ ᠰᠠᠶ᠋ᠢᠬᠠᠨ ᠲᠦᠯᠯᠡᠭᠰᠡᠨ ᠭᠡᠭᠦᠥ᠂ ᠦᠨᠢᠶᠡ᠂ ᠬᠤᠨᠢ ᠢᠮᠠᠭᠠ ᠠᠴᠠ ᠰᠠᠭᠠᠬᠰᠠᠨ ᠥᠳᠬᠡᠨ ᠰᠢᠷᠠ ᠣᠶᠢᠩᠭᠡᠲᠠᠢ ᠠᠩᠬᠠᠨ ᠤ ᠰᠦ ᠪᠣᠯᠣᠨᠠ᠃ | ᠡᠭᠦᠨ ᠳᠤ ᠨᠢᠭᠡ ᠠᠴᠠ ᠬᠤᠶᠠᠷ ᠬᠤᠨᠤᠭ ᠤᠨ ᠲᠣᠳᠣᠷᠠᠬᠢ ᠣᠭᠤᠷᠠᠭ ᠢ ᠯᠠᠭ ᠣᠭᠤᠷᠠᠭ ᠭᠡᠵᠣ ᠭᠤᠷᠪᠡ ᠠᠴᠠ ᠲᠠᠪᠤ ᠬᠤᠨᠤᠭ ᠤᠨ ᠲᠣᠳᠣᠷᠠᠬᠢ ᠣᠭᠤᠷᠠᠭ ᠢ ᠬᠡᠯᠡᠬᠡᠢ | ᠣᠭᠤᠷᠠᠭ ᠭᠡᠳᠡᠭ᠃ ᠣᠭᠤᠷᠠᠭ ᠪᠣᠯ ᠬᠦᠮᠣᠨ ᠤ ᠪᠡᠶᠡ ᠶᠢ ᠲᠠᠮᠢᠷᠵᠢᠭᠤᠯᠣᠨ ᠰᠢᠮᠡᠵᠢᠭᠦᠯᠵᠣ᠂ ᠪᠠᠳᠭᠠᠨ ᠢ ᠠᠷᠢᠯᠭᠠᠨ᠂ ᠰᠢᠩᠭᠡᠭᠡᠯᠲᠡ ᠶᠢ ᠰᠠᠶᠢᠵᠢᠷᠠᠭᠤᠯᠣᠨ | ᠳᠣᠷᠠᠰᠢᠯ ᠢ ᠨᠡᠭᠡᠭᠡᠵᠣ᠂ ᠬᠤᠷᠭᠤᠰᠣ ᠶᠢ ᠵᠦᠭᠡᠯᠡᠷᠡᠭᠦᠯᠳᠡᠭ᠃ | ᠭᠡᠭᠦᠣ ᠶᠢᠨ ᠰᠦ᠄ ᠮᠣᠩᠭᠤᠯᠴᠣᠳ ᠡᠷᠲᠡ ᠣᠵᠠᠭᠤᠷ ᠠᠴᠠ ᠭᠡᠭᠦᠣ ᠰᠠᠭᠠᠵᠣ ᠰᠦ ᠶᠢ ᠨᠢ ᠤᠤᠭᠤᠬᠤ ᠵᠠᠩᠰᠢᠯ ᠲᠠᠢ ᠶᠣᠮ᠃ ᠭᠡᠬᠦ ᠳᠤ ᠪᠠᠨ ᠣᠯᠠᠩᠭᠢ | ᠭᠠᠵᠠᠷ ᠤᠨ ᠬᠢᠨ ᠵᠣᠨ᠂ ᠨᠠᠮᠣᠷ ᠬᠤᠶᠠᠷ ᠬᠤᠭᠤᠴᠠᠭᠠ ᠬᠤᠪᠢᠶᠠᠵᠣ ᠰᠠᠭᠠᠳᠠᠭ᠃ ᠭᠡᠭᠦᠣ ᠶᠢᠨ ᠰᠦ ᠪᠣᠯ ᠠᠮᠲᠠᠯᠢᠭ ᠠᠮᠲᠠᠲᠠᠢ ᠲᠡᠭᠰᠢ ᠴᠢᠨᠠᠷ ᠲᠠᠢ ᠪᠣᠯᠬᠤᠷ᠂ ᠬᠡᠢ ᠶᠢ | ᠲᠠᠷᠣᠵᠣ᠂ ᠰᠢᠷᠠ ᠶᠢ ᠠᠷᠢᠯᠭᠠᠨ᠂ ᠰᠢᠩᠭᠡᠭᠡᠯᠲᠡ ᠶᠢ ᠰᠠᠶᠢᠵᠢᠷᠠᠭᠤᠯᠵᠣ᠂ ᠮᠠᠬᠠᠪᠣᠳ ᠢ ᠴᠢᠬᠢᠷᠠᠭᠵᠢᠭᠤᠯᠬᠤ ᠴᠢᠳᠠᠯ ᠲᠠᠢ ᠪᠦᠭᠡᠳ ᠭᠤᠣᠯᠳᠠᠭᠤ ᠦᠶᠡ ᠭᠡᠰᠢᠭᠦᠨ ᠤ | ᠬᠡᠢ᠂ ᠠᠭᠤᠰᠬᠢᠨ ᠰᠦᠷᠢᠶᠡ ᠶᠢ ᠠᠨᠠᠭᠠᠵᠣ᠂ ᠮᠠᠬᠠᠪᠣᠳ ᠢ ᠲᠡᠭᠰᠢᠳᠬᠡᠨ᠂ ᠲᠠᠮᠢᠷ ᠲᠡᠩᠭᠡᠭᠡ ᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠬᠤᠳᠣᠭᠤᠳᠣᠨ ᠤ ᠰᠢᠩᠭᠡᠭᠡᠯᠲᠡ ᠶᠢ | ᠰᠠᠶᠢᠵᠢᠷᠠᠭᠤᠯᠳᠠᠭ᠃ | ᠦᠨᠢᠶᠡᠨ ᠰᠦ᠄ ᠴᠠᠭᠠᠨ ᠢᠳᠡᠭᠡᠨ ᠤ ᠭᠤᠣᠯᠯᠠᠬᠤ ᠪᠠᠶᠢᠷᠢ ᠶᠢ ᠡᠵᠡᠯᠡᠬᠦ ᠦᠨᠢᠶᠡᠨ ᠰᠦ ᠪᠣᠯ ᠠᠮᠲᠠ ᠨᠢ ᠲᠡᠭᠦᠯᠳᠡᠷ ᠰᠢᠮᠡ ᠨᠢ ᠲᠡᠭᠦᠰ ᠪᠣᠯᠬᠤᠷ᠂ ᠥᠷᠭᠡᠨ | ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠳᠠᠭ᠃ ᠦᠨᠢᠶᠡᠨ ᠰᠦ ᠪᠣᠯ ᠠᠮᠲᠠᠯᠢᠭ᠂ ᠲᠡᠭᠰᠢ ᠴᠢᠨᠠᠷᠲᠠᠢ ᠪᠣᠯᠬᠤᠷ᠂ ᠭᠤᠣᠯᠳᠠᠭᠤ ᠠᠭᠤᠰᠬᠢᠨ ᠤ ᠬᠡᠢ ᠬᠠᠯᠠᠭᠤᠨ᠂ ᠴᠤᠯᠥ ᠰᠠᠪᠠᠨ ᠤ | ᠬᠠᠯᠠᠭᠤᠨ ᠢ ᠠᠷᠢᠯᠭᠠᠨ ᠂ ᠴᠢᠰᠣ ᠶᠢ ᠲᠦᠯᠣᠵᠢᠭᠦᠯᠵᠣ᠂ ᠲᠠᠮᠢᠷ ᠰᠦᠯᠳᠡ ᠶᠢ ᠨᠡᠮᠡᠭᠳᠡᠭᠦᠯᠦᠨ᠂ ᠰᠢᠩᠭᠡᠭᠡᠯᠲᠡ ᠶᠢ ᠰᠠᠶᠢᠵᠢᠷᠠᠭᠤᠯᠵᠣ ᠮᠠᠬᠠᠪᠤᠳ ᠢ ᠲᠡᠭᠰᠢᠳᠬᠡᠨ᠂ | ᠪᠡᠶᠡ ᠶᠢ ᠨᠢ ᠰᠢᠮᠡᠵᠢᠭᠦᠯᠵᠦ᠂ ᠭᠡᠳᠡᠰᠦ ᠶᠢ ᠥᠩᠭᠡᠷᠰᠢᠭᠦᠯᠦᠨ᠂ ᠰᠠᠭᠤᠯᠭᠠᠬᠤ ᠶᠢ ᠵᠣᠭᠰᠣᠭᠠᠳᠠᠭ᠃ | ᠢᠩᠭᠡᠨ ᠰᠦ᠄ ᠮᠠᠨ ᠤ ᠣᠯᠣᠰ ᠤᠨ ᠵᠠᠷᠢᠮ ᠭᠠᠵᠠᠷ᠂ ᠵᠢᠱᠢᠶᠡᠯᠡᠪᠡᠯ ᠥᠪᠣᠷ ᠮᠣᠩᠭᠤᠯ ᠤᠨ ᠣᠷᠳᠣᠰ᠂ ᠠᠯᠠᠱᠨ ᠵᠡᠷᠭᠡ ᠨᠣᠲᠤᠭ ᠲᠤ ᠢᠩᠭᠡ ᠰᠠᠯᠭᠠᠬᠤ | ᠵᠠᠩᠰᠢᠯ ᠲᠠᠢ᠃ ᠢᠩᠭᠡᠨ ᠰᠦ ᠪᠣᠯ ᠥᠳᠬᠡᠨ᠂ ᠰᠢᠮᠡ ᠲᠡᠵᠢᠭᠡᠯ ᠲᠠᠢ ᠮᠦᠷᠳᠡᠭᠡᠨ ᠢᠯᠴᠢ ᠲᠠᠢ ᠪᠠᠶᠢᠳᠠᠭ ᠮᠦᠷᠳᠡᠭᠡᠨ ᠠᠮᠳᠠᠯᠢᠭ ᠪᠦᠯᠢᠶᠡᠨ ᠴᠢᠨᠠᠷᠲᠠᠢ ᠪᠣᠯᠬᠤᠷ᠂ | ᠭᠤᠣᠯᠳᠠᠭᠤ ᠬᠡᠢ ᠬᠠᠯᠠᠭᠤᠨ ᠢᠶᠠᠷ ᠬᠡᠪᠡᠯᠢ ᠬᠦᠭᠡᠭᠡᠬᠦ᠂ ᠰᠣᠪᠠᠭ ᠬᠠᠪᠣᠩ᠂ ᠣᠰᠣᠨ ᠬᠠᠪᠣᠩ᠂ ᠠᠭᠤᠰᠬᠢᠨ ᠰᠦᠷᠢᠶᠡ᠂ ᠬᠤᠳᠣᠭᠤᠳᠣᠨ ᠤ ᠰᠢᠩᠭᠡᠭᠡᠯᠲᠡ ᠶᠢ | ᠰᠠᠶᠢᠵᠢᠷᠠᠭᠤᠯᠣᠨ᠂ ᠶᠠᠰᠣ ᠰᠢᠷᠪᠣᠰᠣ ᠶᠢ ᠴᠢᠩᠭᠠᠷᠠᠭᠤᠯᠳᠠᠭ᠃ | ᠬᠤᠨᠢᠨ ᠰᠦ᠄ ᠵᠠᠷᠢᠮ ᠭᠠᠵᠠᠷ ᠤᠨ ᠬᠢᠨ ᠬᠤᠨᠢ ᠰᠠᠭᠠᠵᠣ ᠰᠦ ᠶᠢ ᠨᠢ ᠤᠤᠭᠤᠳᠠᠬ᠃ ᠬᠤᠨᠢᠨ ᠰᠦ ᠪᠣᠯ ᠠᠮᠲᠠᠯᠢᠭ ᠪᠦᠭᠡᠳ ᠪᠦᠯᠢᠶᠡᠨ ᠴᠢᠨᠠᠷᠲᠠᠢ ᠪᠣᠯᠬᠤᠷ | ᠭᠤᠣᠯᠳᠠᠭᠤ ᠬᠡᠢ ᠶᠢ ᠲᠠᠷᠣᠵᠣ᠂ ᠴᠢᠰᠣ ᠶᠢ ᠲᠦᠯᠣᠵᠢᠭᠦᠯᠦᠨ᠂ ᠲᠠᠮᠢᠷ ᠲᠡᠩᠭᠡᠭᠡ ᠶᠢ ᠰᠠᠶᠢᠵᠢᠷᠠᠭᠤᠯᠵᠣ᠂ ᠠᠷᠬᠠᠭ ᠬᠠᠭᠤᠴᠢᠨ ᠢ ᠠᠷᠢᠯᠭᠠᠭᠠᠳ ᠪᠡᠶᠡ ᠶᠢ | ᠴᠢᠬᠢᠷᠠᠬᠵᠢᠭᠤᠯᠳᠠᠬ᠃ | ᠢᠮᠠᠭᠠᠨ ᠰᠦ᠄ ᠢᠮᠠᠭᠠᠨ ᠰᠦ ᠪᠣᠯ ᠬᠤᠨᠢᠨ ᠰᠦ ᠲᠠᠢ ᠠᠳᠠᠯᠢ ᠦᠭᠡᠢ᠂ ᠰᠢᠩᠭᠡᠨ ᠴᠡᠩᠭᠡᠷ ᠥᠩᠭᠡᠲᠠᠢ᠂ ᠲᠣᠰᠣᠯᠢᠭ ᠤᠨ ᠬᠡᠮᠵᠢᠶᠡ ᠨᠢ ᠪᠠᠭᠠ ᠪᠠᠶᠢᠳᠠᠭ᠃ | ᠢᠮᠠᠭᠠᠨ ᠰᠦ ᠪᠣᠯ ᠠᠮᠲᠠᠯᠢᠭ ᠰᠡᠷᠢᠭᠦᠨ ᠴᠢᠨᠠᠷᠲᠠᠢ ᠪᠣᠯᠬᠤᠷ ᠭᠤᠣᠯᠳᠠᠭᠤ ᠴᠢᠰᠣ ᠰᠢᠷᠠ ᠶᠢᠨ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠵᠣ᠂ ᠠᠮᠢᠰᠬᠤᠯ ᠢ ᠠᠭᠤᠵᠢᠷᠠᠭᠤᠯᠣᠨ᠂ | ᠣᠮᠳᠠᠭᠠᠰᠬᠤ ᠶᠢ ᠵᠣᠭᠰᠣᠭᠠᠵᠣ᠂ ᠬᠢᠵᠢᠭ ᠢ ᠠᠨᠠᠭᠠᠵᠣ᠂ ᠪᠡᠶᠡ ᠶᠢ ᠰᠢᠮᠡᠵᠢᠭᠦᠯᠵᠣ ᠳᠠᠮᠢᠷᠵᠢᠭᠤᠯᠳᠠᠬ᠃ |