ᠰᠤᠷᠪᠤᠯᠵᠢᠯᠠᠬᠴᠢ ᠸᠠᠨ ᠶᠦᠩ ᠲᠠᠢ ᠠᠭᠤᠯᠵᠠᠬᠤ ᠳᠤ᠂ ᠳᠡᠷᠡ ᠱᠠᠹᠠ ᠳᠡᠭᠡᠷᠠ ᠰᠦᠬᠦᠳᠤᠨ ᠭᠡᠷᠡᠮ ᠳᠡᠭᠡᠷᠡᠬᠢ ᠵᠠᠷ ᠮᠡᠳᠡᠭᠡᠨ ᠤ ᠫᠠᠶᠢᠰᠠ ᠶᠢᠨ ᠶᠡᠭᠡ ᠪᠠᠭᠠ ᠶᠢ | ᠭᠡᠮᠵᠢᠵᠤ ᠪᠠᠶᠢᠭᠠ ᠲᠠᠢ ᠳᠠᠭᠠᠷᠠᠯᠳᠤᠬᠰᠠᠨ ᠶᠤᠮ᠃ ︽ᠲᠠ ᠶᠠᠮᠠᠷ ᠶᠠᠩᠵᠤ ᠶᠢᠨ᠂ ᠶᠠᠮᠠᠷ ᠠᠭᠤᠯᠭᠠ ᠲᠠᠢ ᠵᠠᠷ ᠮᠡᠳᠡᠭᠡ ᠬᠢᠯᠭᠡᠬᠦ ᠪᠤᠢ︖︾ ᠭᠡᠮᠡᠨ ᠵᠠᠷ ᠮᠡᠳᠡᠭᠡᠨ ᠤ | ᠫᠠᠶᠢᠰᠠ ᠶᠢᠨ ᠶᠡᠭᠡ ᠪᠠᠭᠠ ᠶᠢ ᠭᠡᠮᠵᠢᠭᠰᠡᠨ ᠸᠠᠨ ᠶᠦᠩ ᠭᠡᠷᠡᠭᠯᠡᠭᠴᠢ ᠶᠢᠨ ᠱᠠᠭᠠᠷᠳᠠᠯᠭᠠ ᠶᠢ ᠨᠠᠷᠢᠨ ᠨᠢᠮᠪᠠᠢ ᠠᠰᠠᠭᠤᠨ ᠰᠤᠷᠠᠵᠤ ᠪᠠᠶᠢᠯᠠ᠃ ᠭᠡᠷᠡᠭᠯᠡᠭᠴᠢ ᠦᠪᠡᠷ ᠤᠨ | ᠱᠠᠭᠠᠷᠳᠠᠯᠭᠠ ᠪᠠᠨ ᠶᠠᠷᠢᠵᠤ᠂ ᠸᠠᠨ ᠶᠦᠩ ᠨᠢᠭᠡ ᠳᠠᠯᠠ ᠪᠠᠷ ᠨᠢᠮᠪᠠᠢ ᠰᠤᠨᠤᠰᠤᠨ ᠨᠦᠬᠦᠭᠡ ᠳᠠᠯᠠ ᠪᠠᠷ ᠳᠡᠮᠳᠡᠭᠯᠡᠯ ᠤᠨ ᠳᠡᠪᠳᠡᠷ ᠳᠡᠭᠡᠷᠠ ᠪᠠᠨ ᠨᠠᠷᠢᠨ ᠳᠡᠮᠳᠡᠭᠯᠡᠵᠤ | ᠪᠠᠶᠢᠯᠠ᠃ ᠤᠬᠤᠷ ᠭᠡᠵᠢᠭᠡ ᠳᠠᠯᠪᠢᠵᠤ᠂ ᠴᠠᠭᠠᠨ ᠦᠩᠭᠡᠳᠡᠢ ᠤᠬᠤᠷ ᠬᠠᠨᠴᠤᠢ ᠲᠠᠢ ᠬᠠᠨᠳᠠᠭᠠᠰᠤ ᠪᠠ ᠬᠠᠷᠠ ᠦᠩᠭᠡᠳᠡᠢ ᠤᠬᠤᠷ ᠦᠮᠤᠳᠤ ᠡᠮᠤᠰᠴᠤ᠂ ᠳᠠᠮᠢᠷ ᠤᠨ | ᠱᠠᠬᠠᠢ ᠡᠮᠦᠰᠦᠭᠰᠡᠨ ᠸᠠᠨ ᠶᠦᠩ ᠢ ᠬᠠᠷᠠᠬᠤ ᠳᠤ ᠳᠤᠬᠳᠠᠭᠤᠨ ᠳᠦᠯᠭᠡᠨ ᠵᠠᠩ ᠲᠠᠢ ᠪᠠᠶᠢᠬᠰᠠᠨ ᠴᠦ ᠰᠠᠨᠠᠬᠰᠠᠨ ᠳᠠᠭᠠᠨ ᠬᠦᠷᠳᠡᠭ ᠡᠷᠠ ᠬᠦᠮᠤᠨ ᠤ ᠵᠤᠷᠢᠭ ᠰᠦᠰᠦ | ᠶᠢ ᠬᠠᠳᠠᠭᠠᠯᠠᠬᠰᠠᠨ ᠨᠢᠭᠤᠷ ᠴᠢᠷᠠᠢ ᠨᠢ ᠳᠠᠨ ᠳᠤ ᠵᠠᠯᠠᠭᠤ ᠬᠦᠮᠤᠨ ᠤ ᠤᠮᠤᠭ ᠵᠤᠷᠢᠭ ᠢ ᠬᠠᠷᠠᠭᠤᠯᠤᠨᠠ᠃ | ᠶᠠᠭᠠᠷᠠᠵᠤ ᠪᠠᠷᠠᠬᠰᠠᠨ ᠤ ᠳᠠᠷᠠᠭᠠ᠂ ᠰᠤᠷᠪᠤᠯᠵᠢᠯᠠᠬᠴᠢ ᠸᠠᠨ ᠶᠦᠩ ᠢ ᠳᠠᠭᠠᠵᠤ ᠳᠡᠳᠡᠨ ᠤ ᠵᠠᠷ ᠮᠡᠳᠡᠭᠡᠨ ᠤ ᠤᠶᠢᠯᠡᠴᠢᠯᠡᠭᠡᠨ ᠤ ᠭᠠᠵᠠᠷ ᠬᠦᠷᠬᠦ ᠳᠤ᠂ ᠳᠡᠷᠡ | ᠰᠤᠷᠪᠤᠯᠵᠢᠯᠠᠬᠴᠢ ᠶᠢ ᠬᠠᠯᠠᠭᠤᠮᠰᠤᠭ ᠢᠶᠠᠷ ᠵᠤᠴᠢᠯᠠᠨ ᠦᠪᠡᠷ ᠤᠨ ᠢᠶᠠᠨ ᠤᠶᠢᠯᠡᠰ ᠪᠦᠳᠤᠭᠡᠭᠰᠡᠨ ᠦᠯᠢᠭᠡᠷ ᠪᠠᠨ ᠬᠠᠭᠤᠴᠢᠯᠠᠨᠠ᠃ 2016 ᠤᠨ ᠳᠤ᠂ ᠸᠠᠨ | ᠶᠦᠩ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠬᠦᠰᠭᠡᠮᠡᠭᠴᠡ ︽ᠠᠵᠢᠯ ᠠᠯᠳᠠᠴᠢᠬᠠᠯᠠ︾᠃ ᠳᠡᠭᠡᠭᠡᠳ ᠳᠡᠷᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠬᠰᠠᠨ ᠬᠠᠪᠳᠠᠭᠠᠢ ᠭᠠᠳᠠᠷᠭᠤ ᠶᠢᠨ | ᠵᠢᠷᠤᠭ ᠳᠦᠯᠦᠪᠯᠡᠭᠡ ᠬᠢᠬᠦ ᠮᠡᠷᠭᠡᠵᠢᠯ ᠳᠡᠭᠡᠨ ᠳᠦᠰᠢᠭᠯᠡᠨ ᠨᠢᠭᠡᠨ ᠵᠠᠷ ᠮᠡᠳᠡᠭᠡᠨ ᠤ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠬᠢᠬᠦ ᠺᠤᠮᠫᠠᠨᠢ ᠳᠤ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠬᠢᠬᠦ ᠠᠵᠢᠯ ᠲᠠᠢ | ᠪᠤᠯᠵᠤ᠂ ᠳᠡᠷᠡᠴᠢᠯᠡᠨ ᠠᠵᠢᠯ ᠤᠨ ᠳᠤᠮᠳᠠ ᠮᠠᠰᠢ ᠤᠯᠠᠨ ᠭᠡᠷᠡᠭᠯᠡᠭᠴᠢ ᠶᠢᠨ ᠰᠠᠶᠢᠨ ᠦᠨᠡᠯᠡᠯᠳᠡ ᠶᠢ ᠤᠯᠤᠬᠰᠠᠨ ᠪᠠᠶᠢᠨᠠ᠃ ᠢᠩᠬᠢᠭᠡᠳ ᠨᠢᠭᠡ ᠵᠢᠯ ᠤᠨ ᠳᠠᠷᠠᠭᠠ᠂ | ᠳᠡᠷᠡ ᠬᠠᠷᠢᠨ ᠦᠪᠡᠷ ᠤᠨ ᠡᠵᠡᠮᠳᠡᠭᠰᠡᠨ ᠳᠤᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠨ ᠳᠤᠷᠠ ᠰᠤᠨᠢᠷᠬᠠᠯ ᠢᠶᠠᠨ ᠪᠤᠯᠭᠠᠵᠤ᠂ ᠳᠡᠬᠦᠨᠴᠢᠯᠡᠨ ᠪᠠᠰᠠ ᠰᠢᠨᠠ ᠬᠠᠷᠠᠯᠳᠠ ᠳᠤᠬᠳᠠᠭᠠᠪᠠ᠃ | ᠸᠠᠨ ᠶᠦᠩ ᠠᠵᠢᠯ ᠢᠶᠠᠨ ᠵᠤᠬᠰᠤᠭᠠᠬᠤ ᠪᠠᠷ ᠰᠢᠢᠳᠴᠤ ᠤᠶᠢᠯᠡᠰ ᠪᠦᠳᠤᠭᠡᠬᠦ ᠵᠠᠮ ᠢ ᠰᠤᠩᠭᠤᠬᠰᠠᠨ ᠪᠠᠶᠢᠨᠠ᠃ | ᠭᠡᠯᠡᠪᠡᠯ ᠬᠢᠳᠡᠭ ᠳᠡᠷᠡ᠂ 2018 ᠤᠨ ᠤ 8 ᠰᠠᠷᠠ ᠳᠤ᠂ ᠠᠵᠢᠯ ᠢᠶᠠᠨ ᠵᠤᠬᠰᠤᠭᠠᠵᠤ᠂ ᠳᠠᠬᠢᠨᠳᠠ ︽ᠠᠵᠢᠯ ᠠᠯᠳᠠᠬᠰᠠᠨ︾ ᠴᠦ ᠦᠪᠡᠷ ᠤᠨ ᠭᠡᠬᠦ | ᠵᠠᠷ ᠮᠡᠳᠡᠭᠡᠨ ᠤ ᠤᠶᠢᠯᠡᠴᠢᠯᠡᠭᠡᠨ ᠤ ᠭᠠᠵᠠᠷ ᠢᠶᠠᠨ ᠭᠠᠷᠭᠠᠬᠤ ᠪᠠᠷ ᠮᠤᠩᠭᠠᠨᠢᠪᠠ᠃ ︽ᠡᠪᠳᠤ ᠳᠡᠤᠯᠡᠢ ᠱᠠᠭᠠᠵᠠᠭᠠᠢ ᠪᠠᠷᠢᠨᠠ︾ ᠭᠡᠳᠡᠭᠴᠢᠯᠡᠨ᠂ ᠸᠠᠨ ᠶᠦᠩ ᠲᠠᠢ | ᠬᠠᠮᠳᠤ ᠠᠵᠢᠯᠯᠠᠳᠠᠭ ᠰᠠᠶᠢᠨ ᠨᠠᠶᠢᠵᠠ ᠭᠤᠤ ᠰᠢᠶᠠ ᠳᠡᠬᠦᠨ ᠤ ᠡᠨᠡ ᠪᠤᠳᠤᠯ ᠢ ᠦᠵᠡᠵᠤ ᠭᠠᠷᠤᠭᠠᠳ ᠳᠡᠬᠦᠨ ᠲᠠᠢ ᠬᠠᠮᠳᠤ ᠤᠶᠢᠯᠡᠰ ᠪᠦᠳᠤᠭᠡᠬᠦ ᠪᠠᠷ ᠵᠤᠷᠢᠭ | ᠰᠢᠭᠤᠳᠴᠠᠢ᠃ ᠭᠤᠤ ᠰᠢᠶᠠ ᠴᠤ ᠠᠵᠢᠯ ᠢᠶᠠᠨ ᠵᠤᠬᠰᠤᠭᠠᠵᠤ᠂ ᠸᠠᠨ ᠶᠦᠩ ᠤᠨ ᠬᠠᠮᠳᠤ ᠠᠵᠢᠯᠯᠠᠬᠴᠢ ᠪᠤᠯᠪᠠ᠃ ︽ᠳᠦᠮᠡᠨ ᠭᠡᠷᠡᠭ ᠤᠨ ᠳᠦᠷᠦᠬᠦᠦ ᠠᠯᠬᠤᠮ | ᠪᠡᠷᠭᠡ︾ ᠭᠡᠳᠡᠭ ᠢᠶᠠᠷ᠂ ᠦᠪᠡᠷ ᠤᠨ ᠬᠢᠨᠢ ᠪᠡᠯᠡᠳᠦᠭᠰᠡᠨ ᠪᠡᠯᠡ ᠮᠦᠩᠬᠦ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ᠂ ᠳᠤᠬᠢᠷᠠᠮᠵᠢᠳᠠᠢ ᠭᠡᠷ ᠪᠠᠶᠢᠰᠢᠩ ᠴᠦ ᠤᠯᠳᠠᠬᠤ ᠦᠭᠡᠢ᠂ ᠭᠡᠷ | ᠤᠨ ᠳᠦᠷᠢᠶᠡᠰᠤᠨ ᠵᠤᠭᠤᠰ ᠨᠢ ᠴᠤ ᠦᠨᠠ ᠲᠠᠢ᠂ ᠳᠦᠷᠢᠶᠡᠰᠤᠨ ᠵᠤᠭᠤᠰ ᠬᠢᠮᠳᠠ ᠨᠢ ᠭᠠᠵᠠᠷ ᠤᠨ ᠪᠠᠶᠢᠴᠠ ᠨᠢ ᠰᠠᠶᠢᠨ ᠪᠢᠰᠢ ᠁ ᠭᠡᠮᠡᠨ ᠳᠡᠷᠡ ᠡᠬᠢᠯᠡᠵᠤ | ᠤᠶᠢᠯᠡᠰ ᠪᠦᠳᠤᠭᠡᠬᠦ ᠦᠶᠠ ᠶᠢᠨ ᠦᠯᠢᠭᠡᠷ ᠢᠶᠠᠨ ᠢᠩᠬᠢᠵᠤ ᠬᠠᠭᠤᠴᠢᠯᠠᠨᠠ᠃ ᠸᠠᠨ ᠶᠦᠩ᠂ ᠭᠤᠤ ᠰᠢᠶᠠ ᠬᠤᠶᠠᠭᠤᠯᠠ ᠵᠠᠪ ᠴᠢᠯᠦᠭᠡ ᠭᠠᠷᠤᠬᠰᠠᠭᠠᠷ ᠯᠠ ᠵᠡᠭᠡᠯᠢ | ᠭᠤᠳᠤᠮᠵᠢ ᠪᠠᠷ ᠡᠷᠬᠢᠴᠡᠨ᠂ APP ᠳᠤᠨᠤᠬᠯᠠᠯ ᠳᠡᠭᠡᠷᠠ ᠠᠴᠠ ᠪᠤᠶᠤ ᠳᠠᠨᠢᠬᠤ ᠬᠦᠮᠤᠨ ᠠᠴᠠ ᠪᠠᠨ ᠭᠡᠷ ᠪᠠᠶᠢᠰᠢᠩ ᠰᠤᠷᠠᠬᠯᠠᠨᠠ᠃ ︽ᠴᠢᠷᠮᠠᠶᠢᠯᠭᠠ ᠬᠦᠮᠤᠨ ᠢ | ᠭᠤᠮᠤᠳᠠᠭᠠᠬᠤ ᠦᠭᠡᠢ︾ ᠭᠡᠳᠡᠭᠴᠢᠯᠡᠨ᠂ ᠳᠡᠳᠡ ᠬᠤᠶᠠᠭᠤᠯᠠ ᠡᠴᠤᠰ ᠲᠡᠭᠡᠨ ᠳᠤᠬᠢᠷᠠᠮᠵᠢᠳᠠᠢ ᠭᠡᠷ ᠤᠯᠵᠤ᠂ ᠬᠤᠶᠠᠷ ᠬᠦᠮᠤᠨ ᠤ ᠪᠠᠴᠢᠮ ᠶᠠᠭᠠᠷᠠᠯᠳᠠᠢ | ᠪᠡᠯᠡᠳᠭᠡᠵᠤ᠂ ᠳᠤᠨᠤᠭ ᠳᠦᠬᠦᠭᠡᠷᠤᠮᠵᠢ ᠪᠠᠨ ᠪᠠᠵᠠᠭᠠᠬᠤ ᠪᠠᠷ ᠳᠠᠮᠵᠢᠨ᠂ ᠨᠢᠭᠡ ᠰᠠᠷᠠ ᠭᠠᠷᠤᠢ ᠶᠢᠨ ᠬᠢᠨᠢ ᠳᠠᠷᠠᠭᠠ᠂ 2018 ᠤᠨ ᠤ 9 ᠰᠠᠷᠠ ᠶᠢᠨ ᠰᠡᠬᠦᠯᠴᠢ | ᠪᠠᠷ᠂ ᠵᠢᠤᠢ ᠹᠠᠨ ᠵᠠᠷ ᠮᠡᠳᠡᠭᠡᠨ ᠤ ᠤᠶᠢᠯᠡᠴᠢᠯᠡᠭᠡᠨ ᠤ ᠭᠠᠵᠠᠷ ᠵᠢᠩᠬᠢᠨᠢ ᠪᠠᠷ ᠡᠬᠦᠳᠡ ᠪᠠᠨ ᠨᠡᠭᠡᠭᠡᠭᠰᠡᠨ ᠪᠠᠶᠢᠨᠠ᠃ | ᠤᠶᠢᠯᠡᠴᠢᠯᠡᠭᠡᠨ ᠤ ᠭᠠᠵᠠᠷ ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠤ ᠳᠠᠷᠠᠭᠠ᠂ ᠵᠠᠷ ᠮᠡᠳᠡᠭᠡ ᠤᠬᠠᠭᠠᠯᠠᠬᠤ᠂ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠬᠢᠬᠦ᠂ ᠤᠶᠢᠯᠡᠳᠬᠦ᠂ ᠵᠡᠷ ᠮᠡᠳᠡᠭᠡ | ᠨᠡᠶᠢᠳᠡᠯᠡᠬᠦ᠂ ᠦᠰᠦᠭ ᠵᠢᠷᠤᠭ ᠤᠨ ᠳᠦᠯᠦᠪᠯᠡᠭᠡ ᠬᠢᠬᠦ᠂ ᠫᠠᠶᠢᠰᠠ ᠢᠯᠡᠷᠭᠡᠶᠢᠯᠡᠯ ᠬᠢᠬᠦ᠂ ᠤᠷᠢᠶᠠ ᠡᠯᠬᠦᠭᠡᠰᠤ ᠬᠢᠬᠦ ᠵᠢᠴᠢ ᠤᠬᠰᠠᠷᠠᠬᠤ᠂ ᠦᠰᠦᠭ ᠴᠤᠬᠢᠵᠤ | ᠳᠠᠷᠤᠮᠠᠯᠯᠠᠬᠤ᠂ ᠭᠡᠷᠡᠯ ᠵᠢᠷᠤᠭ ᠳᠠᠳᠠᠬᠤ ᠵᠡᠷᠭᠡ ᠤᠶᠢᠯᠡᠴᠢᠯᠡᠭᠡ ᠬᠠᠩᠭᠠᠬᠰᠠᠨ ᠪᠠᠶᠢᠨᠠ᠃ ᠸᠠᠨ ᠶᠦᠩ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠬᠢᠬᠦ ᠶᠢ ᠬᠠᠷᠢᠭᠤᠴᠠᠨ᠂ ᠭᠤᠤ | ᠰᠢᠶᠠ ᠸᠠᠨ ᠶᠦᠩ ᠳᠤ ᠬᠠᠮᠵᠢᠯᠴᠠᠬᠤ ᠶᠢᠨ ᠵᠠᠪᠰᠠᠷ ᠢᠶᠠᠷ ᠪᠠᠰᠠ ᠨᠢᠬᠳᠠᠯᠠᠨ ᠪᠤᠳᠤᠬᠴᠢ ᠶᠢᠨ ᠠᠵᠢᠯ ᠢ ᠭᠠᠷᠳᠠᠨ ᠬᠢᠵᠤ᠂ ᠬᠤᠶᠠᠷ ᠬᠦᠮᠤᠨ ᠠᠵᠢᠯ ᠤᠨ | ᠬᠤᠪᠢᠶᠠᠷᠢᠯᠠᠯ ᠢᠶᠠᠨ ᠳᠤᠳᠤᠷᠬᠠᠶᠢᠯᠠᠨ᠂ ᠳᠤᠬᠢᠳᠠᠢ ᠬᠠᠮᠵᠢᠯᠴᠠᠨᠠ᠃ ᠳᠡᠷᠡ ᠬᠤᠶᠠᠭᠤᠯᠠ ᠡᠨᠡᠬᠦ ᠤᠶᠢᠯᠡᠴᠢᠯᠡᠭᠡᠨ ᠤ ᠭᠠᠵᠠᠷ ᠢ ᠦᠪᠡᠷ ᠤᠨ ᠭᠡᠷ ᠢᠶᠠᠨ ᠪᠤᠯᠭᠠᠵᠤ | ᠦᠷᠯᠦᠭᠡᠨ ᠤ 8 ᠴᠠᠭ ᠠᠴᠠ ᠤᠷᠤᠢ ᠶᠢᠨ 8 ᠴᠠᠭ ᠪᠤᠯᠳᠠᠯᠠ ᠠᠳᠡ ᠬᠤᠷᠭᠤᠳᠠᠨ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠪᠠᠨ ᠶᠠᠭᠠᠬᠢᠵᠤ ᠬᠢᠬᠦ ᠪᠠᠨ ᠵᠦᠪᠳᠡᠯᠴᠡᠬᠦ ᠶᠢᠨ ᠳᠠᠭᠠᠤ | ᠬᠦᠮᠤᠰ ᠤᠨ ᠵᠠᠬᠢᠶᠠᠯᠠᠭᠠ ᠶᠢ ᠬᠦᠯᠢᠶᠡᠨ ᠰᠠᠭᠤᠨᠠ᠃ | ᠡᠮᠤᠨᠠ ᠬᠤᠭᠤᠴᠠᠭᠠᠨ ᠤ ᠠᠵᠢᠯ ᠤᠨ ᠬᠤᠷᠠᠮᠳᠤᠭᠤᠯᠭᠠ ᠨᠢ ᠳᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠤᠳᠤᠬᠠᠨ ᠤ ᠠᠵᠢᠯ ᠳᠤᠨᠢ ᠵᠤᠬᠢᠬᠤ ᠰᠠᠭᠤᠷᠢ ᠶᠢ ᠳᠠᠯᠪᠢᠬᠰᠠᠨ ᠢᠶᠠᠷ᠂ | ᠵᠠᠷᠢᠮ ᠸᠠᠨ ᠶᠦᠩ ᠢ ᠳᠠᠨᠢᠳᠠᠭ ᠭᠡᠷᠡᠭᠯᠡᠭᠴᠢᠳ ᠳᠡᠳᠡᠨ ᠤ ᠳᠤ ᠢᠷᠡᠵᠤ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠬᠢᠯᠭᠡᠨᠠ᠂ ᠵᠠᠷᠢᠮ ᠴᠦᠭᠡᠨ ᠳᠤᠭᠠᠨ ᠤ ᠭᠡᠷᠡᠭᠯᠡᠭᠴᠢ ᠳᠦᠭᠡᠷᠢᠵᠤ | ᠶᠠᠪᠤᠬᠰᠠᠭᠠᠷ ᠪᠠᠶᠢᠭᠠᠳ ᠳᠡᠬᠦᠨ ᠢ ᠳᠠᠨᠢᠭᠠᠳ ᠠᠪᠴᠢᠬᠠᠨᠠ᠂ ᠵᠠᠷᠢᠮ ᠳᠠᠨᠢᠯ ᠬᠦᠮᠤᠨ ᠤ ᠳᠠᠨᠢᠯᠴᠠᠭᠤᠯᠭᠠ ᠪᠠᠷ ᠸᠠᠨ ᠶᠦᠩ ᠢ ᠡᠷᠢᠵᠤ ᠢᠷᠡᠬᠦ ᠨᠢ ᠴᠦ ᠪᠤᠢ᠃ ᠶᠠᠭᠤ | ᠴᠦ ᠭᠡᠰᠡᠨ ᠤᠶᠢᠯᠡᠴᠢᠯᠡᠭᠡᠨ ᠤ ᠭᠠᠵᠠᠷ ᠨᠢ ᠵᠠᠮ ᠮᠦᠷ ᠲᠡᠭᠡᠨ ᠤᠷᠤᠵᠤ᠂ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠨᠢ ᠤᠯᠠᠮ ᠠᠴᠠ ᠤᠯᠠᠮ ᠰᠠᠶᠢᠵᠢᠷᠠᠯᠠ᠃ ᠭᠡᠷᠡᠭᠯᠡᠭᠴᠢ ᠶᠢᠨ ᠭᠡᠷ | ᠲᠤᠨᠢ ᠤᠴᠢᠵᠤ ᠶᠡᠭᠡ ᠪᠠᠭᠠ ᠶᠢ ᠭᠡᠮᠵᠢᠨᠠ᠂ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠬᠢᠨᠠ᠂ ᠳᠠᠷᠤᠮᠠᠯᠯᠠᠨᠠ᠂ ᠪᠠᠷᠠᠭᠠ ᠬᠦᠷᠭᠡᠨᠠ ᠭᠡᠳ ᠶᠡᠭᠡ ᠪᠠᠭᠠ ᠤᠴᠢᠷ ᠪᠠᠶᠢᠬᠤ ᠯᠠ᠂ | ᠭᠡᠰᠡᠨ ᠴᠤ ᠳᠡᠷᠡ ᠬᠤᠶᠠᠭᠤᠯᠠ ᠶᠠᠷᠰᠢᠭ ᠳᠦᠪᠡᠭ ᠲᠠᠢ ᠪᠠᠶᠢᠨᠠ ᠭᠡᠳ ᠠᠯᠢ ᠶᠢ ᠴᠤ ᠳᠦᠯᠬᠢᠭᠰᠡᠨ ᠦᠭᠡᠢ᠂ ᠬᠠᠯᠠᠭᠤᠮᠰᠤᠭ ᠢᠶᠠᠷ ᠤᠶᠢᠯᠡᠴᠢᠯᠡᠵᠤ᠂ ᠬᠦᠯᠢᠶᠡᠵᠤ | ᠠᠪᠤᠬᠰᠠᠨ ᠮᠠᠶᠢᠮᠠᠢ ᠪᠠᠨ ᠨᠢᠭᠡᠳ ᠨᠢᠭᠡ ᠪᠠᠷ ᠨᠠᠷᠢᠯᠢᠭ ᠰᠠᠶᠢᠬᠠᠨ᠂ ᠭᠡᠷᠡᠭᠯᠡᠭᠴᠢᠳ ᠤᠨ ᠰᠠᠨᠠᠭᠠᠨ ᠳᠤ ᠬᠦᠷᠳᠡᠯᠠ ᠨᠢᠮᠪᠠᠢ ᠪᠡᠶᠡᠯᠡᠬᠦᠯᠤᠨᠠ᠃ ︽ᠸᠠᠨ ᠶᠦᠩ ᠪᠢᠳᠠ | ᠬᠤᠶᠠᠭᠤᠯᠠ ᠵᠢᠷᠤᠭ ᠳᠦᠯᠦᠪᠯᠡᠭᠡ ᠶᠢᠨ ᠡᠭᠡ ᠪᠢᠴᠢᠭ ᠢᠶᠠᠨ ᠳᠠᠬᠢᠨ ᠳᠠᠪᠳᠠᠨ ᠵᠠᠰᠠᠵᠤ᠂ ᠤᠤᠯ ᠤᠨ ᠬᠢ ᠠᠴᠠ ᠪᠠᠨ ᠬᠤᠯᠠ ᠨᠠᠷᠢᠯᠢᠭ ᠰᠠᠶᠢᠬᠠᠨ ᠬᠢᠵᠤ᠂ | ᠭᠡᠷᠡᠭᠯᠡᠭᠴᠢ ᠶᠢᠨ ᠰᠠᠨᠠᠭᠠᠨ ᠳᠤ ᠬᠦᠷᠭᠡᠳᠡᠭ ᠶᠤᠮ᠂ ᠪᠢᠳᠠ ᠬᠤᠶᠠᠭᠤᠯᠠ ᠶᠠᠷᠰᠢᠭ ᠳᠦᠪᠡᠭ ᠢ ᠶᠠᠭᠤᠮᠡᠨ ᠳᠡᠳᠤᠢ ᠪᠤᠳᠤᠳᠠᠭ ᠦᠭᠡᠢ᠂ ᠬᠠᠷᠢᠨ ᠭᠡᠷᠡᠭᠯᠡᠭᠴᠢ | ᠰᠡᠳᠬᠢᠯ ᠬᠠᠨᠤᠮᠵᠢᠳᠠᠢ ᠪᠠᠶᠢᠬᠤ ᠪᠤᠯ ᠳᠡᠷᠢᠬᠦᠨ ᠴᠢᠬᠤᠯᠠ ᠶᠠᠪᠤᠳᠠᠯ ᠰᠢᠤ︾ ᠭᠡᠵᠤ ᠭᠤᠤ ᠰᠢᠶᠠ ᠰᠤᠷᠪᠤᠯᠵᠢᠯᠠᠬᠴᠢ ᠳᠤ ᠶᠠᠷᠢᠨᠠ᠃ | ᠤᠯᠠᠨ ᠢᠶᠠᠷ ᠢᠶᠠᠨ ᠤᠶᠢᠯᠡᠰ ᠪᠦᠳᠤᠭᠡᠵᠤ ᠳᠠᠶᠠᠭᠠᠷ ᠢᠶᠠᠨ ᠰᠢᠨᠠ ᠶᠢ ᠡᠬᠦᠳᠴᠤ ᠪᠠᠶᠢᠭᠠ ᠦᠨᠤᠳᠤᠷ᠂ ᠸᠠᠨ ᠶᠦᠩ ᠪᠤᠯᠤᠨ ᠭᠤᠤ ᠰᠢᠶᠠ ᠬᠤᠶᠠᠭᠤᠯᠠ | ᠳᠤᠰᠬᠠᠢ ᠮᠡᠷᠭᠡᠵᠢᠯ ᠢ ᠳᠡᠭᠡᠳᠤᠯᠡᠬᠦ ᠵᠤᠷᠢᠭ ᠰᠠᠨᠠᠭᠠ᠂ ︽ᠤᠷᠠᠨ ᠳᠠᠷᠬᠠᠨ︾ ᠤ ᠵᠤᠷᠢᠭ ᠰᠠᠨᠠᠭᠠ ᠶᠢ ᠪᠠᠳᠠᠷᠠᠭᠤᠯᠤᠨ᠂ ᠯᠠᠪᠳᠠᠭᠤᠨ ᠪᠠᠳᠤᠳᠠᠢ ᠪᠠᠷ ᠪᠠᠭᠠ ᠠᠴᠠ | ᠭᠠᠷᠳᠠᠨ ᠬᠢᠵᠤ᠂ ᠤᠯᠠᠨ ᠠᠴᠠ ᠭᠡᠳᠤᠶᠢᠳᠬᠦ ᠶᠢ ᠵᠤᠷᠢᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠳᠤᠬᠠᠶᠢᠯᠠᠬᠰᠠᠨ ᠠᠵᠢᠯ ᠢᠶᠠᠨ ᠭᠠᠷᠮᠠᠭᠠᠢ ᠪᠡᠶᠡᠯᠡᠬᠦᠯᠤᠨ᠂ ᠶᠡᠭᠡ ᠪᠠᠭᠠ ᠠᠵᠢᠯ | ᠭᠡᠰᠡᠨ ᠦᠭᠡᠢ ᠬᠦᠯᠢᠶᠡᠵᠤ ᠠᠪᠤᠬᠰᠠᠨ ᠠᠵᠢᠯ ᠬᠢᠳᠠᠯ ᠢᠶᠠᠨ ᠨᠠᠷᠢᠯᠢᠭ ᠨᠢᠮᠪᠠᠢ ᠬᠢᠵᠤ ᠭᠡᠷᠡᠭᠯᠡᠭᠴᠢ ᠶᠢ ᠳᠡᠭᠡᠳᠤᠯᠡᠳᠡᠭ ᠳᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ | ᠨᠢ ᠤᠯᠠᠮ ᠠᠴᠠ ᠤᠯᠠᠮ ᠬᠦᠭᠵᠢᠨ ᠮᠠᠨᠳᠤᠬᠤ ᠶᠢᠨ ᠰᠠᠶᠢᠬᠠᠨ ᠢᠷᠤᠭᠡᠯ ᠢ ᠳᠠᠯᠪᠢᠵᠤ ᠮᠠᠨ ᠤ ᠰᠤᠷᠪᠤᠯᠵᠢᠯᠠᠭᠠ ᠦᠨᠳᠦᠷᠯᠡᠭᠰᠡᠨ ᠪᠠᠶᠢᠨᠠ᠃ |